LYHK life - 「樂」極忘「瀅」成長記

其實香港婦產科學院同好多外國醫學團體都出咗指引： 哺乳期的婦女可以打mRNA(BioNTech 復必泰疫苗)，而且無需停止母乳餵哺。 （但不建議打科興疫苗) 由於家中有老有幼，所以我驗完血就打左疫苗 。 妹妹仲係母乳寶寶～ 而且既然要打covid-19 vaccine，咁就緊係打有效D的BNT！ 以下係個人反應，人人不同： 第一針 大約16:00打，當晚半夜開始打針手臂痛 好似做完劇烈運動翌日咁，不能抬高隻手 第二日下午有一個時段好眼瞓，午睡左一個鐘 第二針 10:30打，即晚開始手痛 翌日更痛 第四晚好頭痛瞓唔到，到第五日食完lunch先冇事 另外，分享香港大學微生物學系Siddharth Sridhar醫生的文章幾個重點以供參考： 1. 無證據顯示mRNA疫苗對母乳媽媽或BB有額外的副作用。 2. 大多數打了mRNA疫苗的母乳媽媽的母乳會帶有IgG 和 IgA 抗體，這些抗體可中和 SARS-CoV-2病毒，有可能為BB提供保護。 3. 有兩個研究專門測試注射mRNA疫苗後的母乳成份，並無發現母乳內有疫苗mRNA。而第三個用上超靈敏檢測方法的研究發現，在極少數嘅情況（rare occasions)下，母乳會含有極少量的疫苗 mRNA（≤ 2 納克/毫升）。但即使疫苗mRNA偶爾會經母乳排出，由於其成份脆弱，亦會迅速在BB的腸道中分解。 總括而言，衛生防護中心建議哺乳中的媽媽可以安全接種 BioNTech （復必泰）mRNA 疫苗。另一方面，根據CoronaVac (科興)產品資訊，目前不建議將滅活疫苗用於餵哺中嘅媽媽。

轉眼間 我個大寶貝樂樂終於30個月兩歲半喇！ 自從妹妹出左世之後，都好耐冇去過玩喇！ 今次趁住有旅發局個賞你住Staycation優惠，即管試下主題房啦～ 可惜，一直我覺得性價比好高的荃灣帝景酒店，真係令我好失望！ 因為太空主 題房is nothing special. 第二次黎沙灘麗都灣，樹熊仔真係好大膽又唔怕沙唔怕水，不得不佩服佢人仔細細膽 量咁大！ 玩到成身成腳成頭都係沙先係真正玩法！ 第二朝，樹熊仔都有自己一份早餐，唔再係由爸爸媽媽度分比佢，感覺自己成個大人咁，大個仔，食得好鬼開心。 不過，之後因為泳池又full左，所以又去多次 沙灘，玩多次先走。 上網睇下荃灣有咩Playhouse，於是第二日去左南豐紗廠 The Big Things玩，真係勁失望！

齊齊發掘香港大大小小playhouse，今次樹熊仔同妹妹黎左太和萬象館。 無錯，妹妹竟然有得去玩咁好？因為九個月以下免費入場，所以假日$180我地就可以兩大兩細去玩三粒鐘喇！夏日炎炎有一個有冷氣的地方可以玩都算唔錯了。 萬象館內分左唔同區，有一個專區比細B玩，而且仲有換片位同哺乳室！ 不過萬象館除左繩網以外，對哥哥來說唔係好夠放電，只係有位置比小朋友爬上爬落同有傳聲筒玩比較特別，樹熊仔玩完仲好精神可以去附近睇埋消防局。 地址：新界大埔太和邨亨和樓地下117-128室 (太和站B出口) 預約網址： https://www.playright.org.hk/%e9%81%8a%e6%88%b2%e5%8f%8a%e9%81%8a%e6%88%b2%e5%b7%a5%e4%bd%9c/%e5%ae%a4%e5%85%a7%e9%81%8a%e6%88%b2%e7%a9%ba%e9%96%93/%e9%81%8a%e6%88%b2%e8%90%ac%e8%b1%a1%e9%a4%a8/ 時段：1000-1300/ 1430-1730（星期一休息）

住大西北，冇咩事其實係唔會去九龍東玩，不過 如果經過附近，就有個唔多人的 冒險樂園想試下。 其實自己已經N年冇去過 冒險樂園，對佢印象仲停留在N年前只係得推銀機同夾糖機同少量分店有波波池，最夢寐以求就係去黃埔玩佢個超大型 波波池同機動遊戲。 估唔到 冒險樂園 都識得同時代一齊進步同改變，唔怪得咁多年黎仲可以屹立不倒！！！ 今次去左將軍澳翩滙坊，好耐之前樹熊仔去過爬行比賽，係另一個荒蕪之地。 今次睇到朋友相片好似唔錯 ，又可以去donki同隔離冒險樂園玩，所以帶左樹熊仔去，平日去，真係好少人，包場玩仲有得玩車，正呀！ 重點係個 彈跳迷宮 係 工程師主題的，好養眼～ 玩完個波波池仲可以去埋 Crazy cart賽道 玩車，一次可以玩三個圈，估唔到未夠三歲的 樹熊仔driving skill都幾好！ 小總結： 以冒險樂園來說，翩滙坊場地夠大而且小朋友唔多，樹熊仔可以盡興而歸，如果住附近都算係一個唔錯的放電地方！

妹妹有冇學野咁快，繼識得請請之後，我發現八個半月的妹妹竟然識拍手，仲真係拍到出聲呀！！！！！！ 不得了，妹妹一點也不蠢。 不得不讚妹妹真係好叻女，雖然成日好似樹熊咁痴到實一實令你完全做唔到野，但係妹妹八個半月就自己放手企，仲企到幾秒呀！！！ 有冇咁快呀，九個月都未到咋！ 想當年哥哥一歲多D先放手自己行，而家妹妹足足早左四個月！ 期待你快點長大同哥哥一齊跑來跑去！

嘩嘩嘩不得了呀！8個月的妹妹出第一隻牙仔喇 足足比哥哥早左兩個月呀！ 唔怪得早排d poo poo酸酸地，個人又炆炆地咩都放入口，埋身仲咬我！ 原來妹仔出牙仔呢！細細粒牙仔好得意。

香港一個細細的彈丸之地，度度都人口密集。 831復活節等長假想避開人潮？ 這個荒蕪之地絕對適合！ 位於上水的新田購物城，原本係打算起比水貨客買水貨的集中地，可惜冇人欣賞，變了死城。 然而，這地方卻有一個兒童天地 爽踩，＄５０／３０mins。 咁平的價錢去邊度搵？ 真係踩足一個鐘都唔肉赤呀！你話爽唔爽？ 佢個名真係冇改錯！樹熊仔同一班朋友玩得好開心。 佢曾經仲有一個大波波池，森林樂園Jungle Land，玩全日都係＄２００，疫情初期樹熊仔都有去玩過，場地另一邊仲有碰碰車，可惜捱唔住執左lu... 好多野都冇左，一個肺炎令好多野都冇左喇！ ＊＊＊最新消息＊＊＊ 由於地點實在太少人去，爽踩已經執左喇，好可惜！ 新聞亦有講整個新田都會摺埋喇～ 其實當初跟本就唔應該起個咁的地方...

這一年，因為疫情無得周圍飛，開始發掘香港唔同地方，原來香港都有唔少親子農莊，今次樹熊仔去左個少人去的地方 - 448農莊。 不過獨立國都幾令人失望，去448農莊只係為左比樹熊仔去渣巴士咋！ "the wheels on the bus go round and round round and round round and round the wheels on the bus go round and round all through the town..." 因為平日去，除了巴士外，就什麼也沒有了，沒有餵羊餵小動物等環節，甚至連小動物的蹤影也找不到，而其他遊人及職員寥寥可數，一眼望去只有一個荒蕪的郊野。 好不容易睇到被困在籠內的小白兔同小烏龜仲有蜥蜴，還有鋪滿樹葉的滑梯一條。 可能因為熱潮己過吧！ 農莊主人見場內設施又殘又舊都唔裝修或翻新一下... 好在影左幾張照騙， 之後去左yoho mall涼冷氣，妹妹終於可以舒舒服服咁飲奶奶喇！ 448 info 地址：元朗欖口村欖堤東路 入場費：星期一至五$50，周未假日$100（曾來過的舊客$80），三歲以下免費 開放時間：0930至1730

大家近日有冇睇奧運？ 四（五）年一度的盛事，好開心香港運動員做到咁好成績呀！ 等我sell下自己先~ 其實我係一位 母乳指導師 亦係一位 催乳師 係兩位小朋友的媽咪 哥哥全人奶至18個月自然離乳 妹妹仲享受緊媽媽牌奶奶 所以我絕對係經驗豐富架！ 無論 塞奶 石頭胸 追奶 唔夠奶 定係 埋身餵奶姿勢 唔正確，我都可以幫到你💓 歡迎pm :)

Let's post something positive on this special day! 因為疫情大家都困獸鬥左好多， 大人小孩被困在家； 熱愛旅行的香港人又被困在香港這個彈丸之地； 趁連思想的自由都被困住之前，樹熊仔同爸爸媽媽去左人生第一次glamping！ 是次評價： 首先有市區難得一見的藍色的士，樹熊仔好興奮！ 由住的camp site步行出去五分鐘唔洗就有沙灘，一瞓醒就可以去玩水喇！ 因為非正式海灘，沒有因疫情被封，而且人流少，有好多好大好靚的貝殼，大自然沒有人類的破壞，水清沙幼！ 營地仲可以一邊燒烤一邊望住天上星星一邊唱住twinkle twinkle little star~ 雖然一切有點原始，沒有任何服務下這價錢實在有點貴，加上所謂的兒童遊樂設施（滑梯同跳彈床）都有點日久失修的感覺，不過是難得的體驗。而且有冷氣有暖水沖涼，已經比普通露營好好多了！ 如果大家要去，建議唔好夏天，否則會好熱好曬同好多蚊！ 地點：大嶼山浪高長沙 價錢：HK$899一晚（small tent）包二人早餐 另加食物：HK$250一位成人BBQ total: HK$1,399 小建議： don't expect too much, enjoy the nature wet tissue is a must sandals are basic necessity mosquito repellent is another must-bring-item

上網比我見到消防及救護教育中心暨博物館， 而且而家仲開放比大家入場，雖然by appointment only，但係 對於近日fire fighter & fire engine上腦的樹熊仔黎講緊係要去啦～ 因為疫情關係，參觀名額有限，每個鐘的timeslot只係有16個名額，而每個booking最多只可以預約4位，申請會以先到先得的方式處理，所以真係爭崩頭！ 本人有幸成功預約左幾次，雖然只有星期一至五，星期六日都係搶唔到，但有少少心得可以share： system每晚天文台時間Hong Kong Time 00:00就會refresh，提供未來30天的預約 而個website由23:55左右開始會慢，建議23:50開始入定個網頁，同意條款及入埋驗證碼，一見到00:00就click下一步 個人試完覺得speed如下：android mobile> ios mobile> laptop 預約要入姓名，電話，email，而通常打email係最花時間，所以可以預先約messgae box打定，再copy，到預約時paste落去 成功後會見到一個QR code，記住screen capture呀！係用來入場用的，之後收到的email我load唔到個code，唔知其他人係點，穩陣起見都係save左先。 good luck to you! 預約當天，館內設有四層展示廳，展示「消防車及救護車展覽區」、「救護服務展覽區」、「消防安全教育區」、「調派及通訊組展覽區」及「制服及工具展覽區」。 我上網睇到小朋友可以親身試穿消防員制服，仲有真正消防員講解，可惜疫情所有互動活動包括 消防安全教育區都 暫停，唯有等有番再預約多次黎睇啦。 四樓 展覽區 隔離有塊大玻璃，可以睇到真正訓練中的消防員同消防車呀！睇到樹熊仔唔捨得走。落到地下見到有個哺乳室，早知帶埋妹妹黎啦！ 臨走仲有 消防博物館 文 具同貼紙做小禮物呀！ 最後，行番出環保大道有巴士去megabox，可以玩埋下場去shopping。 消防及救護教育中心暨博物館 地址：九龍將軍澳百勝角路11號 開放時間：星期一、二、四至日 星期三及公眾假期休館 時段：0930-1100; 1130-1300; 1400-1530; 1600-1730 booking link: https://es.hkfsd.gov.hk/muse

話說之前影pre-wedding做research時，已經睇中左雙魚河的大水管，見到人地影D相好靚，可惜佢距離我其他影相地方太遠，唯有放棄。 而今次就帶樹熊仔女黎睇火車啦！ 我地係的士去到最近地點再行去睇大水管的，因為係二月去，所以有意外收穫呀！ 去到上水屠房門口落的士後，我地竟然見到一大遍芒草，仲要冇人！急不及待即刻去影左相先，不過一路影其實一路會聽到隔離動物的慘叫聲...... 影完芒草出發去大水管同睇火車～ 大水管其實有好多位置都封左唔比爬上去或者行入去的，不過仍然有好多人唔理封條走去打卡。而樹熊仔只係對火車有興趣，所以冇走上水管上面影相，只係影火車咋！ 睇完火車，樹熊仔仲同朋友仔玩吹泡泡。 之後行去食豆腐花，沿途仲意外收穫每日下午三點的牛牛散步時間，睇到牛寶寶跟住牛爸爸牛媽媽呢～新界真係睇到牛架！ 如果大家想親親大自然又想打卡又想親親小動物，預番兩小時黎玩都不錯！ 大水管點去？ 的士到上水屠房，右邊沿路入村，一直行過完橋去對面村再沿河邊一直向前行，火車聲會愈來愈大，再穿過火車橋底就到左大水管喇！

曾經 方向同水果對我而言無異 今天 除了感到可惜 更多的是唏噓 對 你仍有可以選擇的權利 但你真的有閱讀的自由嗎？ this is my only paid app so far

樹熊仔有個朋友仔成日都會周圍去發掘香港大大少少的親子好去處，今次樹熊仔就同一班朋友仔黎左錦田鄉村俱樂部玩。 因為星期日去，好鬼熱好曬好多人好塞車... 入口要經過一條邨的單線雙向行車路，只係果個位都塞左15分鐘。 不過係開心好玩ge 有太陽花 有motorcycle同碰碰車，總之有車有位小朋友就好開心 有小動物 有草地 有小食店 有需要仲可以BBQ 只係toilet唔太乾淨 樹熊仔玩到唔捨得走，但一上車就秒睡。 錦田鄉村俱樂部 地址：新界錦田水尾村230號 入場費：免費（場內逐樣計） p.s. 入面有個大草地劃分為野餐區，不過要幫趁佢food stall，如果自攜食物要收$20。

  話說妹妹真係好可愛，永遠都係一個開心的BB。 不論一分鐘之前哥哥點樣蝦佢，又或者扭抱到家人忍唔住鬧佢，下一分鐘都會笑面迎人。 係咪所有BB都係金魚記憶架？ 真係一個不折不扣的sweet girl💓 而哩個笑得好甜的ＢＢ轉眼已經７個月大喇！

好多人都話二寶學野快過一寶，暫時所見又好似係真。 就好似轉身啦，爬啦，同埋企都係喎～ 估唔到細細粒的妹妹咁叻叻，只係6.5個月咋，未夠７個月就識企！係識企！妹妹竟然識得扶住床邊企呀！！！！ 雖然當初都企唔穩，會搖下搖下，不過妹妹依然好努力咁企。 我都幾肯定哥哥一定冇咁早識企，同埋好明顯妹妹真係識爬，佢係手腳都識撐起自己；而哥哥當初係靠自己手臂的力去慢慢"爬"的！

話說 妹妹一出世就血糖低 之後又面黃 然後終於退黃又追到體重 就出胎毒頭泥奶癬 成日嘔奶又即時自己抹嘴，搞到爆到成面成身都係 用左金銀花沖涼沖左兩星期終於都退左9成 開始似番一個BB應有的皮膚 不過又要去醫院抽血同睇內分泌科 （因為我嗎？！） 妹妹要一直check住甲狀腺素 一直要日日食甲狀腺藥 因為甲狀腺有機會令妹妹發育慢 所以妹妹要一直食到佢三歲先可以試下停 再睇下有冇影響同需唔需要繼續食藥 其實陀住妹妹時我已經中左妊娠糖尿 到妹妹出世又咁多事 哥哥由懷孕到出世除左20週時流過一次啡之外 一直都順風順水順順利利 到妹妹就諸事不順 除左餵人奶 真係每個人都係一個獨立個體 每個BB都好唔同呢～ 希望一切會愈來愈好！！！

google一下... 唔難搵到「一睡二抬三翻四撐五抓六坐七滾八爬九長牙十站十一扶周能走 」這十二個月的寶寶發展史。 BB由最初細細粒，到 第一次抬頭，又突然學識轉身，一切發展得太突然了。 好開心可以親眼見證到BB多個第一次～ 兩兄妹愈大愈唔似樣了～ 即使用埋同一個枕頭學 抬頭，哥哥眼睛精靈點；妹妹笑容甜美一點！ 而在出生後140天，妹妹轉身了，細細粒的妹妹竟然比哥哥早一日呀！ 話說妹妹在BB床自己玩緊，我同哥哥食緊飯的時候，突然發現係望到妹妹頭頂，望真D，咦？妹妹識轉身喇！學左個technique之後仲自己係咁轉身呀~ 而家一瞓醒就即刻轉身， 抬頭，伸到條頸好似長頸鹿咁周圍望下有冇人，一見到人就開始喊要人抱，大可愛喇~ hahaha... 人地成日話第二胎會比第一個學野快d，因為成日見到哥哥姐姐跑來跑去，唔通係真ge？

既然已經有一對樹熊寶貝，仲要湊夠一個「好」字，當然要封肚啦！ 我一早已經做曬research密謀近年好盛行的紮肚架喇～ 本來生樹熊仔時都有諗過紮肚，但覺得要比成皮野出黎好唔捨得。到而家樹熊女都出埋世，反正唔再生，點解唔對自己好d呢？ 經過十日紮肚同盆骨修復療程，本人腹直肌由三指變成半指喇！ 不過肌肉外面仲有一層厚厚的脂肪同鬆弛的肚皮咋嘛～ 所以，要瘦都係要做運動...... 題外話:今胎餵母乳冇上胎餵到自己愈來愈肥，要加油努力減肥呀！

 轉眼間，妹妹滿月了，睇番相片，哥哥好精靈；妹妹愛睡覺。 兩兄妹愈大愈唔似樣呢～ 相同及不同之處稍後再分享。

來到2021第一個post，希望各breastfeeding mom長餵長有！ 作為一位母乳媽媽，哥哥時仲泵奶泵左一年有多，好多唔同牌子的儲奶瓶同奶袋我都有用過，以下有少少分享： （１）儲奶瓶 「medela儲奶瓶」 朋友給的，150ml容量，不錯，我用youha pump加闊轉窄口轉換頭，直接可泵落去，好方便。 「pigeon儲奶瓶」 也是朋友給的，150ml。新買的話價錢比medela平，都ok。 「pp奶樽」 樹熊仔飲奶量漸漸多了，我直接用舊的奶樽裝奶，佢要飲時再轉落樽座暖比佢飲。 「ppsu奶樽」 再後期，懶了，pp樽又唔可以用太耐，直接用ppsu奶樽裝奶，樹熊仔要飲直接換奶樽頭再座暖飲就得喇！ 「avent」 avent是今胎新發現，好正好好用，可配合Youha The One泵使用，之後加固時又可以用黎放食物。amazon買比香港買平好多，一盒十個港幣一百頭！ （２）奶袋 「Perfection」 韓國品牌，好平！而且一盒120個，有排用。 有兩款，一款入奶位同出奶分開兩個位，另一款同一個zip位入，容量有少少唔同，不過兩款都係單拉鏈，我試過泵完放入密實盒再放公司雪櫃，打算收工拎番，因為關不上蓋輕輕壓了一下，就係哩一細下，收工時我一打開，就見到d奶漏曬出黎，心痛死我！ 「Pigeon」 是朋友用剩幾個比我的，double zip，不過不失。 「Lansinoh」 家人買給我的，double zip。 iherbs買要兩蚊一個(HK$53 for 25pcs)，後來我去amazon見到大約1蚊一個左右(HK$110 for 100pcs)，值得入貨。 ( iherbs買野discount code：BON1345 ) 「nuk」 double zip，iherbs買要兩蚊一個 (HK$52 for 25pcs, HK$160 for 100pcs)。 ( iherbs買野discount code：BON1345 ) 「Boots」 家人泰國旅行買的，又平又有double zip，仲可以打直企，一盒50個港幣40蚊左右，美中不足係奶袋比較軟，倒出黎要小心d唔好倒瀉，同埋入奶倒奶同一位置，要小心唔好污染袋口。 Little tips: 泵奶配件好阻掟，出街唔想帶太多野？double zip奶袋幫到你！仲唔需要奶袋夾tim～ 就係咁樣套入去喇！ 要最慳位緊係兩