LYHK life - 「樂」極忘「瀅」成長記

踏入六月，摘士多啤梨季節又開始，今年去遠少少，發現Chester 車打士個strawberries farm比上年去Warrington仲正呀！ Bellies Brothers雖然冇一個play area比小朋友玩，不過勝在有個garden centre，有餐廳有廁所有唔同種植用品賣。 最最最重要係： 1. 免入場費，摘幾多磅幾多比幾多錢（當日是£6.25/kg） 2. 唔洗預約，唔需要日日定時上網refresh website有冇位，摘士多啤梨仲慘過買演唱會飛咁 3. 個場勁大，唔會劃分某幾行唔同日子開放比人摘 4. d士多啤梨又多又紅又大又甜，一入到農場就聞到好大陣士多啤梨香味喇！！ 5. 日日都開，即興摘士多啤梨話咁易💗 Bellis Brothers Garden Centre & Farm Shop Information Website: https://www.bellisbrothers.co.uk/opening-times/ Address: Farm Wrexham Rd, Holt, Wrexham LL13 9YU

哩個位於Warrington的士多啤梨農場，我留意左好耐。 佢都幾多人介紹，而且感覺比較organised，乾淨企理，又係比較易摘的table-top strawberry種植方式。 不過佢入場費都唔平，位位£5包一盒350g士多啤梨（摘太多要另外再收費架！），絕對貴過自己去超市買，仲要好full好難book。佢只係每日24-48小時前會update當天有咩時段開放比人摘士多啤梨，而每個timeslot只有大約20個quota，最好每日唔同時間得閒就上一上佢網頁refresh下有冇update，特別人多就要秒秒捕住喇！（留意番你係可以walk-in摘其他蔬果，只係士多啤梨要預約。） 當日去到大家都好興奮，雖然路上有少少雨，但去到天晴，加上摘士多啤梨位置有瓦遮頭，完全唔怕天氣唔好。 入面仲有間餐廳可以食野、有小朋友playground、有間farm shop可以買農產品、仲有其他唔同berries可以摘。 P.S. 估唔到D士多啤梨又真係好甜，連寶貝s都問點解自己摘會好食過超級市場買嗰D！ Kenyon Hall Farm Information Website:  https://www.kenyonhall.co.uk/ Address: Winwick Ln, Croft, Warrington WA3 7ED Opening time: Everyday 9am-5pm

十二月冬天又係摘士多啤梨的日子！ 每逢 12 至 2 月是士多啤梨當造期，樹熊仔分別 13M 同 25M 都去過摘士多啤梨。 而這次，是37M，終於去曬兩個相鄰的strawberry field可以比較一下，下次都唔知幾時會再黎lu～   粉嶺隱世士多啤梨園，入面 D 士多啤梨好大好多好甜！ 雖然入邊設施係咩都冇，但勝在又近又方便又唔多人。   第一次，同哥哥姐姐去（攝於阿方） 第二次，又同哥哥姐姐去，都有約同月出世朋友仔去（攝於阿方） 第三次，都係同哥哥姐姐去，亦有同朋友仔去（攝於老徐）   妹妹太細天氣又凍，等佢大個 D 先同妹妹去摘士多啤梨啦！ 阿方士多啤梨園   ＆   老徐農莊士多啤梨園 地址：粉嶺雲泉仙館後 交通：粉嶺MTR站轉79k小巴，「雲泉仙館」落車，過對面馬路穿過雲泉仙館，會有小市集有當地居民賣唔同蔬菜果乾，穿過市集就到了 comment： 頭兩次都係去阿方，最後一次終於去埋老徐 論strawberry，阿方外表無咁大咁靚但香d同甜d；老徐好大好靚好紅但真係無咩士多啤梨味 講環境，阿方每行士多啤梨中間闊落d，行路同影相打卡會好d。老徐比較窄，行路要小心。 論variety，兩者差唔多，阿方有金魚兔仔有菜同蔗汁；老徐有菜同大大番石榴賣（我只係幫趁過以上講ge，仲有其他可能遺漏）