LYHK life - 「樂」極忘「瀅」成長記

終於可以脫下口罩。 同一天空下 吸一口自由的空氣 下定決心，感受一下月亮特別大特別圓的外國。

十二月冬天又係摘士多啤梨的日子！ 每逢 12 至 2 月是士多啤梨當造期，樹熊仔分別 13M 同 25M 都去過摘士多啤梨。 而這次，是37M，終於去曬兩個相鄰的strawberry field可以比較一下，下次都唔知幾時會再黎lu～   粉嶺隱世士多啤梨園，入面 D 士多啤梨好大好多好甜！ 雖然入邊設施係咩都冇，但勝在又近又方便又唔多人。   第一次，同哥哥姐姐去（攝於阿方） 第二次，又同哥哥姐姐去，都有約同月出世朋友仔去（攝於阿方） 第三次，都係同哥哥姐姐去，亦有同朋友仔去（攝於老徐）   妹妹太細天氣又凍，等佢大個 D 先同妹妹去摘士多啤梨啦！ 阿方士多啤梨園   ＆   老徐農莊士多啤梨園 地址：粉嶺雲泉仙館後 交通：粉嶺MTR站轉79k小巴，「雲泉仙館」落車，過對面馬路穿過雲泉仙館，會有小市集有當地居民賣唔同蔬菜果乾，穿過市集就到了 comment： 頭兩次都係去阿方，最後一次終於去埋老徐 論strawberry，阿方外表無咁大咁靚但香d同甜d；老徐好大好靚好紅但真係無咩士多啤梨味 講環境，阿方每行士多啤梨中間闊落d，行路同影相打卡會好d。老徐比較窄，行路要小心。 論variety，兩者差唔多，阿方有金魚兔仔有菜同蔗汁；老徐有菜同大大番石榴賣（我只係幫趁過以上講ge，仲有其他可能遺漏）

終於試了這間親子餐廳，好出名的Mr Tree大樹先生的家。 餐廳位置比較難找。 食物味道ok但其實有點貴，如果計埋個小朋友玩樂區就算係咁了。 一入去兩兄妹已經對play area雙眼發光，即時坐低叫野食，要佢地食飽先可以玩，最後玩到關門先走，全程服侍樹熊仔同樹熊女，跟本無機會同朋友好好談天。 小朋友玩樂區有大量唔同種類大細同質地的玩具廚房，兩兄妹玩得好開心，仲有picnic chair同食物、廚房用品、煮食工具、收銀機、雪糕檔…… 應有盡有。 當然仲有長滑梯，車仔，同大積木玩～ 入口另一方向仲有大沙池，兩兄妹玩廚房玩得太耐已經唔記得同無時間玩沙池喇！ 個人認為D2 place地點有點隔涉，所以我地weekend夜晚去人流都可接受，餐廳唔full，小朋友玩得舒服。 Mr Tree 大樹先生的家 地址：荔枝角長順街15號D2 Place Two 1樓 電話：31840033 小插曲： 話說我打去D2 place make appointment，但收到confirmation sms係銅鑼灣分店，搞到我要再打去改再收多次sms。 懷疑兩間分店可以互book對方的枱，哈。可以一試。

終於玩左旺角新世紀廣場Moko Level 3新開的Moko Park玩戶外滑梯 多人到一個點，仲要已經派籌，suppose control人流，但原來是沒有的。 或者籌數量太多？小朋友玩得太開心？佢target 3至12歲小朋友，不過總之我覺得人多到有d危險，大人一定一定一定要睇住細的小朋友。 我地一早（11點？！）黎拎籌，每張籌玩一小時，之後會清場再入人，我地去隔離food court食lunch，食完夠鐘就飛過去玩lu～ 妹妹太細個實在唔適合玩，唯有推bb車比佢瞓住等哥哥玩完再番屋企算。 樹熊仔有d滑梯太高唔敢落黎，上面有staff睇住同鼓勵都唔成功，等大膽d再黎挑戰吧！

上次去ocean park, 妹妹仲係一舊飯，今次終於開始同哥哥一齊跑來跑去喇！ 睇魚睇海豹海象坐纜車，太忙碌的一天，沒有機會影相留念。

今次book左好full的挪亞方舟酒店消防車主題房，用消費劵早左成個月book架！ theme room package包左早餐晚餐，晚餐個景好鬼靚，盛惠$2423. 原來酒店咁細，只有一層，難怪咁full 不過好近沙灘 好chidren friendly（房內冇浴缸但有bb盆提供） 火箭滑梯好正 有假動物 有share的草地平台，可出去玩泡泡、睇星星 有得踏單車 有得整teddy bear 兩日一夜好快過但好開心，happy day very chill and relaxed worth going again for the beach next time! 入住 晚數： 1 Spending: Themed room package with breakfast and dinner buffet: $2423 free DIY teddy bear free 2 sessions bicycle riding (10mins each) 挪亞方舟度假酒店 Noah's Arkansas Hotel & Resort 酒店資訊: 電話:  (852) 3411 8868 地址:  香港新界馬灣珀欣路33號 綱頁: https://www.noahsarkhotel.com.hk

今次去左夢寐以求的愉景灣Staycation，緊係要響步入式浴池打個卡先。 feedback: breakfast buffet好full，我地同小朋友去又坐距離食物最遠位置，所以來回幾轉拎食物已經差唔多夠鐘交枱，而外面不斷有客人出入，所以早餐自助餐是限時的。 酒店地點太遠，在中環坐船到愉景灣後，仲要坐巴士才能到酒店；如果要去番碼頭附近餐廳或沙灘玩，一樣要搭一程巴士。 check-in等得太耐，3pm check-in，我地準時到但條隊超級長，4點半先安排左一間房，另一間要5點多先有，好彩等待時有兒童遊戲室比小朋友打發時間。 不過兩日一夜的行程，來來回回去沙灘去買野去食晚餐後就唔知自己做左D咩就完了一天，總算打左個卡享受了房間。 入住 晚數： 1 Spending: Ocean view room with breakfast buffet: ~$1600 1st day dinner & 2nd day lunch: ~$1000 香港愉景灣酒店 Auberge Discovery Bay Hong Kong 酒店資訊: 電話:  (852) 2295 8288 地址:  香港大嶼山愉景灣海澄湖畔路88號 http://www.aubergediscoverybay.com

哥哥朋友仔約gathering，今次試左紅磡kidz tech。 此playhouse其實都係同其他大同小異，不過本人應該就不會再去喇~ 主要有以下幾個原因，純粹個人意見： 1. 位置在紅磡/黃埔近海旁，入口似酒店定私人屋苑隔離，唔太起眼 2. 入門口美其名free一張family photo實際最後sell你買package 3. 之後經過大型滑梯，但唔係長開，而且for 110cm or above的小朋友 4. 好多人，好多人，好多人，明明by timeslot去預約但唔似有人流管制 5.  入遊戲區前要除鞋著襪，但人多到D鞋放到周圍都係，袋又冇位擺 6. 繩網區幾危險，有個大千秋網搖擺幅度好大，但附近有好多比小朋友玩的車仔，仲有比細BＢ玩的廚房煮飯仔，好容易撞到。 7.  滑梯連大型海綿積木放同一區，細BB玩緊積木時好易比sir落黎的小朋友撞到。 8. 沙池雖然唔係真沙唔會太痴腳，但其實好唔衛生，我幾相信佢係唔會清潔 圖中係樹熊仔玩緊沙池，影相角度已經盡量避開好多人。 Carson said he is Rubble (from Paw Patrol!) 不過除左大人覺得dirty但好受小朋友歡迎的沙池之外， 波波區可以有好多透明管道比小朋友睇到波波去向係比較特別，playhouse中較罕見。 同埋哩度另一selling point係有海景睇(不過帶埋癡身的妹妹所以我冇時間冇機會欣賞過)！ 黃埔Kidz Tech 地址： 九龍黃埔環海街11號海名軒5樓 Booking website:  https://bookeo.com/kidztech 入場費：$350/2hours (兩大一細+妹妹未夠一歲唔洗錢) extra: 15mins電動車(平日$55；假日$65)

妹妹第一次Staycation，同埋第一次瞓酒店，第一次游泳，特此留念。 今次如果唔係見kkday package咁平，都唔會去Staycation~ 仲要係book市中心的香港金域假日酒店 Holiday Inn Golden Mile. 今次入住優尚豪華客房，雙床房，有浴缸，雖然check-in等左成個鐘，不過無計，香港人無得去旅行咁耐，所有酒店都咁爆，度度都咁多人。 同埋職員見我地兩位小朋友咁細，主動安排左extra pillows比我地防止BB碌落床~ 大約HK$1500，有黃昏雞尾酒、海鮮自助晚餐、自助早餐同自己加購的一磅cheesecake，真心抵！ 而且酒店好近Donki，中間時段仲可以去附近行下打發時間。 值得一讚係自助早晚餐真心perfect！ 坦白說，房間比較舊，的確係無如心咁靚，而且泳池都細，不過食物質素實在好太多了！真心滿足，真心好食！大人小朋友都食得飽。 另外，限人數加上室外池要睇天氣，第二日食完早餐去游左一陣水，妹妹一落水就慘叫大喊真係好掃興，反正人多又開始落雨，番房玩浴缸同補眠算！ 平平地包咁多餐，近近地又方便行街，今次Staycation好抵玩～ 正呀！！ 入住 晚數： 1 Spending: 4-meals room package: ~$1500 香港金域假日酒店 Holiday Inn Golden Mile 酒店資訊: 電話:  (852) 2369 3111 地址:  香港九龍尖沙咀彌敦道50號 綱頁: https://www.higoldenmile.com/zho

轉眼間 我個大寶貝樂樂終於30個月兩歲半喇！ 自從妹妹出左世之後，都好耐冇去過玩喇！ 今次趁住有旅發局個賞你住Staycation優惠，即管試下主題房啦～ 可惜，一直我覺得性價比好高的荃灣帝景酒店，真係令我好失望！ 因為太空主 題房is nothing special. 第二次黎沙灘麗都灣，樹熊仔真係好大膽又唔怕沙唔怕水，不得不佩服佢人仔細細膽 量咁大！ 玩到成身成腳成頭都係沙先係真正玩法！ 第二朝，樹熊仔都有自己一份早餐，唔再係由爸爸媽媽度分比佢，感覺自己成個大人咁，大個仔，食得好鬼開心。 不過，之後因為泳池又full左，所以又去多次 沙灘，玩多次先走。 上網睇下荃灣有咩Playhouse，於是第二日去左南豐紗廠 The Big Things玩，真係勁失望！

齊齊發掘香港大大小小playhouse，今次樹熊仔同妹妹黎左太和萬象館。 無錯，妹妹竟然有得去玩咁好？因為九個月以下免費入場，所以假日$180我地就可以兩大兩細去玩三粒鐘喇！夏日炎炎有一個有冷氣的地方可以玩都算唔錯了。 萬象館內分左唔同區，有一個專區比細B玩，而且仲有換片位同哺乳室！ 不過萬象館除左繩網以外，對哥哥來說唔係好夠放電，只係有位置比小朋友爬上爬落同有傳聲筒玩比較特別，樹熊仔玩完仲好精神可以去附近睇埋消防局。 地址：新界大埔太和邨亨和樓地下117-128室 (太和站B出口) 預約網址： https://www.playright.org.hk/%e9%81%8a%e6%88%b2%e5%8f%8a%e9%81%8a%e6%88%b2%e5%b7%a5%e4%bd%9c/%e5%ae%a4%e5%85%a7%e9%81%8a%e6%88%b2%e7%a9%ba%e9%96%93/%e9%81%8a%e6%88%b2%e8%90%ac%e8%b1%a1%e9%a4%a8/ 時段：1000-1300/ 1430-1730（星期一休息）

住大西北，冇咩事其實係唔會去九龍東玩，不過 如果經過附近，就有個唔多人的 冒險樂園想試下。 其實自己已經N年冇去過 冒險樂園，對佢印象仲停留在N年前只係得推銀機同夾糖機同少量分店有波波池，最夢寐以求就係去黃埔玩佢個超大型 波波池同機動遊戲。 估唔到 冒險樂園 都識得同時代一齊進步同改變，唔怪得咁多年黎仲可以屹立不倒！！！ 今次去左將軍澳翩滙坊，好耐之前樹熊仔去過爬行比賽，係另一個荒蕪之地。 今次睇到朋友相片好似唔錯 ，又可以去donki同隔離冒險樂園玩，所以帶左樹熊仔去，平日去，真係好少人，包場玩仲有得玩車，正呀！ 重點係個 彈跳迷宮 係 工程師主題的，好養眼～ 玩完個波波池仲可以去埋 Crazy cart賽道 玩車，一次可以玩三個圈，估唔到未夠三歲的 樹熊仔driving skill都幾好！ 小總結： 以冒險樂園來說，翩滙坊場地夠大而且小朋友唔多，樹熊仔可以盡興而歸，如果住附近都算係一個唔錯的放電地方！

香港一個細細的彈丸之地，度度都人口密集。 831復活節等長假想避開人潮？ 這個荒蕪之地絕對適合！ 位於上水的新田購物城，原本係打算起比水貨客買水貨的集中地，可惜冇人欣賞，變了死城。 然而，這地方卻有一個兒童天地 爽踩，＄５０／３０mins。 咁平的價錢去邊度搵？ 真係踩足一個鐘都唔肉赤呀！你話爽唔爽？ 佢個名真係冇改錯！樹熊仔同一班朋友玩得好開心。 佢曾經仲有一個大波波池，森林樂園Jungle Land，玩全日都係＄２００，疫情初期樹熊仔都有去玩過，場地另一邊仲有碰碰車，可惜捱唔住執左lu... 好多野都冇左，一個肺炎令好多野都冇左喇！ ＊＊＊最新消息＊＊＊ 由於地點實在太少人去，爽踩已經執左喇，好可惜！ 新聞亦有講整個新田都會摺埋喇～ 其實當初跟本就唔應該起個咁的地方...

這一年，因為疫情無得周圍飛，開始發掘香港唔同地方，原來香港都有唔少親子農莊，今次樹熊仔去左個少人去的地方 - 448農莊。 不過獨立國都幾令人失望，去448農莊只係為左比樹熊仔去渣巴士咋！ "the wheels on the bus go round and round round and round round and round the wheels on the bus go round and round all through the town..." 因為平日去，除了巴士外，就什麼也沒有了，沒有餵羊餵小動物等環節，甚至連小動物的蹤影也找不到，而其他遊人及職員寥寥可數，一眼望去只有一個荒蕪的郊野。 好不容易睇到被困在籠內的小白兔同小烏龜仲有蜥蜴，還有鋪滿樹葉的滑梯一條。 可能因為熱潮己過吧！ 農莊主人見場內設施又殘又舊都唔裝修或翻新一下... 好在影左幾張照騙， 之後去左yoho mall涼冷氣，妹妹終於可以舒舒服服咁飲奶奶喇！ 448 info 地址：元朗欖口村欖堤東路 入場費：星期一至五$50，周未假日$100（曾來過的舊客$80），三歲以下免費 開放時間：0930至1730

Let's post something positive on this special day! 因為疫情大家都困獸鬥左好多， 大人小孩被困在家； 熱愛旅行的香港人又被困在香港這個彈丸之地； 趁連思想的自由都被困住之前，樹熊仔同爸爸媽媽去左人生第一次glamping！ 是次評價： 首先有市區難得一見的藍色的士，樹熊仔好興奮！ 由住的camp site步行出去五分鐘唔洗就有沙灘，一瞓醒就可以去玩水喇！ 因為非正式海灘，沒有因疫情被封，而且人流少，有好多好大好靚的貝殼，大自然沒有人類的破壞，水清沙幼！ 營地仲可以一邊燒烤一邊望住天上星星一邊唱住twinkle twinkle little star~ 雖然一切有點原始，沒有任何服務下這價錢實在有點貴，加上所謂的兒童遊樂設施（滑梯同跳彈床）都有點日久失修的感覺，不過是難得的體驗。而且有冷氣有暖水沖涼，已經比普通露營好好多了！ 如果大家要去，建議唔好夏天，否則會好熱好曬同好多蚊！ 地點：大嶼山浪高長沙 價錢：HK$899一晚（small tent）包二人早餐 另加食物：HK$250一位成人BBQ total: HK$1,399 小建議： don't expect too much, enjoy the nature wet tissue is a must sandals are basic necessity mosquito repellent is another must-bring-item

上網比我見到消防及救護教育中心暨博物館， 而且而家仲開放比大家入場，雖然by appointment only，但係 對於近日fire fighter & fire engine上腦的樹熊仔黎講緊係要去啦～ 因為疫情關係，參觀名額有限，每個鐘的timeslot只係有16個名額，而每個booking最多只可以預約4位，申請會以先到先得的方式處理，所以真係爭崩頭！ 本人有幸成功預約左幾次，雖然只有星期一至五，星期六日都係搶唔到，但有少少心得可以share： system每晚天文台時間Hong Kong Time 00:00就會refresh，提供未來30天的預約 而個website由23:55左右開始會慢，建議23:50開始入定個網頁，同意條款及入埋驗證碼，一見到00:00就click下一步 個人試完覺得speed如下：android mobile> ios mobile> laptop 預約要入姓名，電話，email，而通常打email係最花時間，所以可以預先約messgae box打定，再copy，到預約時paste落去 成功後會見到一個QR code，記住screen capture呀！係用來入場用的，之後收到的email我load唔到個code，唔知其他人係點，穩陣起見都係save左先。 good luck to you! 預約當天，館內設有四層展示廳，展示「消防車及救護車展覽區」、「救護服務展覽區」、「消防安全教育區」、「調派及通訊組展覽區」及「制服及工具展覽區」。 我上網睇到小朋友可以親身試穿消防員制服，仲有真正消防員講解，可惜疫情所有互動活動包括 消防安全教育區都 暫停，唯有等有番再預約多次黎睇啦。 四樓 展覽區 隔離有塊大玻璃，可以睇到真正訓練中的消防員同消防車呀！睇到樹熊仔唔捨得走。落到地下見到有個哺乳室，早知帶埋妹妹黎啦！ 臨走仲有 消防博物館 文 具同貼紙做小禮物呀！ 最後，行番出環保大道有巴士去megabox，可以玩埋下場去shopping。 消防及救護教育中心暨博物館 地址：九龍將軍澳百勝角路11號 開放時間：星期一、二、四至日 星期三及公眾假期休館 時段：0930-1100; 1130-1300; 1400-1530; 1600-1730 booking link: https://es.hkfsd.gov.hk/...

話說之前影pre-wedding做research時，已經睇中左雙魚河的大水管，見到人地影D相好靚，可惜佢距離我其他影相地方太遠，唯有放棄。 而今次就帶樹熊仔女黎睇火車啦！ 我地係的士去到最近地點再行去睇大水管的，因為係二月去，所以有意外收穫呀！ 去到上水屠房門口落的士後，我地竟然見到一大遍芒草，仲要冇人！急不及待即刻去影左相先，不過一路影其實一路會聽到隔離動物的慘叫聲...... 影完芒草出發去大水管同睇火車～ 大水管其實有好多位置都封左唔比爬上去或者行入去的，不過仍然有好多人唔理封條走去打卡。而樹熊仔只係對火車有興趣，所以冇走上水管上面影相，只係影火車咋！ 睇完火車，樹熊仔仲同朋友仔玩吹泡泡。 之後行去食豆腐花，沿途仲意外收穫每日下午三點的牛牛散步時間，睇到牛寶寶跟住牛爸爸牛媽媽呢～新界真係睇到牛架！ 如果大家想親親大自然又想打卡又想親親小動物，預番兩小時黎玩都不錯！ 大水管點去？ 的士到上水屠房，右邊沿路入村，一直行過完橋去對面村再沿河邊一直向前行，火車聲會愈來愈大，再穿過火車橋底就到左大水管喇！

樹熊仔有個朋友仔成日都會周圍去發掘香港大大少少的親子好去處，今次樹熊仔就同一班朋友仔黎左錦田鄉村俱樂部玩。 因為星期日去，好鬼熱好曬好多人好塞車... 入口要經過一條邨的單線雙向行車路，只係果個位都塞左15分鐘。 不過係開心好玩ge 有太陽花 有motorcycle同碰碰車，總之有車有位小朋友就好開心 有小動物 有草地 有小食店 有需要仲可以BBQ 只係toilet唔太乾淨 樹熊仔玩到唔捨得走，但一上車就秒睡。 錦田鄉村俱樂部 地址：新界錦田水尾村230號 入場費：免費（場內逐樣計） p.s. 入面有個大草地劃分為野餐區，不過要幫趁佢food stall，如果自攜食物要收$20。

一直以來都好想去Discovery bay hotel sleepover，不過因為價錢冇去，突然比我搵到$17xx的staycation package，包埋雙人早餐加dinner buffet，不得了，只係一晚房價平時都要千四啦！所以我二話不說就book了。 可惜，期待已久的愉景灣酒店staycation因為疫情再爆發被迫cancelled。 好 唔 開 心。 冇得帶樹熊仔玩多次沙灘。 冇得趁夏天完結前游多次水。 而家變左天天在家困獸鬥。 冇左Discovery Bay hotel，唯有book番四季酒店Staycation補償一下啦～ Four Seasons Hotel $2400 Stay and Dine package已經包左海景房，房內雙人早餐，三道菜晚餐。 樹熊仔一入到房鞋又未除，口罩未除，已經甩手跑左去窗口睇風景喇！ 睇風景睇車睇船睇helicopter睇太陽伯伯咩都睇，好新奇～ 當日食飽lunch就坐巴士去中環碼頭行下，睇下船睇下海睇下ferris wheel。 再去海旁 海事博物館天台的C afe 8買下午茶takeaway，順路行埋ifc，買下Lady M，最後先去checkin。 settle down食完野休息完 行下City super，行下中環兜個圈就夠鐘食飯喇！ Package的三道菜Dinner可以選擇中式同西式，為左有飯比樹熊仔，再滿足自己想食心太軟的慾望，我地就選擇了一中一西，西式不過不失，而估唔到中式竟然意外地好食。 沖完涼食完晚飯，房間仲有提供水果同有得玩cookies decoration： 再去窗邊睇下風景，臨瞓前樹熊仔再浸多次浴缸，便上床休息了。 第二朝的早餐，選擇了American breakfast x2 sets。 除了美式，仲有英式日式中式同自選，我見美式有包有水果有omellete有果汁又有餐飲咁豐富，所以就選擇了美式，職員好準時到仲幫我地set好table，對住Victoria Harbour歎早餐，正！ 我叫左熱豆漿，估唔到佢連埋個暖壺上，一共有4杯咁多～ overall, 個早餐好好味，一家三口都食到好飽，樹熊仔食左整個omellete同半杯橙汁。 最後，臨走前寶貝仲浸多次浴，一共玩左3次浴缸呀！ 回家路上仲搭船再坐bus～ 一路哼著歌，樹熊仔不知不覺睡著，終於番到屋企了。 "row ro...

疫情關係，香港酒店各出奇謀吸客。 我見荃灣如心酒店Staycation package咁吸引，所以book左一晚試下，點知令人勁失望， a VERY disappointing experience。 首先，我睇中佢個海景，上面張相就係樹熊仔加房個景喇，是不錯的，只係房間decoration走中國風，見佢之前主要做自由行生意，都係意料之內ge... 另外，我睇中佢有swimming pool，仲要有 indoor and outdoor pool，落雨也不怕～ 見佢$9xx包左2人中式晚餐/ dinner buffet，所以就book黎試下玩下順便比樹熊仔去游水啦！ 當日3pm可以check in， 我地大約三點半到酒店，不過check in條隊勁長勁多人，等咗大半個鐘先搞掂，仲要只係安排咗個中層的單位。 原本plan左check in完換衫去玩水，但望到泳池勁多人，唯有去浴缸開水比樹熊仔玩下水先，然之後去行下donki，留番第二朝早d起身去游水！ 行到差唔多時間就番去食dinner喇，睇佢menu都唔錯丫！ 可惜，個dinner真心失望，勁少野勁細份，真係按人頭比兩條排骨、兩碗炒飯、 兩塊蝴蝶酥、兩條海參、兩碗紅豆沙、兩隻鮑魚、一大個煲但係幾條菜，好心佢就用個細啲嘅煲，顯得啲菜多啲啦...唉！ 我之前去帝景酒店experience真係好好多，$3-400一晚但可以去附近沙灘，又有shuttle出出面食野，就算酒店叫set dinner都唔貴而且份量又夠，好過而家雖然package包左但唔夠食要出去再食過。 第二日， 我地一早8點就起身落去泳池游水，室外池有三四個人；室內得我地一家3（4）口咋！ 原本以為室外池係infinity pool，點知游到去池邊見到係實色牆，好失望！早知唔游出去，留番少少幻想空間比自己～ 最後，我地只係游（玩）左半個鐘左右，仔仔已經謝左，要齊齊上房沖涼補眠喇！ 瞓醒，樹熊仔食左人生中 第六次buffet ，疫情關係出去拎野食係要wear mask的。 不過重點係就算酒店住客有半價都好唔抵！ 因為食物真係得好少選擇，如果唔係有樹熊仔同二寶，真係寧願出去食好過，反正荃灣有大把餐廳選擇，事後我終於明點解openrice全部都係劣評喇！ To conclude，真心唔recommend荃灣如心酒店，如果當要泳池游水，要避開人潮，都要選擇佢剛開...