LYHK life - 「樂」極忘「瀅」成長記

四天聖誕快閃巴黎迪士尼朝聖之旅，最終響兩位寶貝病曬情況下結束。 Day 1 - Eiffel Tower, pharmacy and supermarket 出到市中心都兩點，D餐廳又好串好多話而家唔賣食物只賣飲品，最後附近是但入左一間餐廳就去睇巴黎鐵塔Eiffel Tower，行下超市買必需品，去藥房買護膚品，食埋日本野就番酒店休息。 Day 2 - Eiffel Tower, Louve Museum, Christmas market 主要去唔同景點打卡影相：巴黎鐵塔，羅浮宮，教堂，聖誕市集 ， 食埋法國必食法式洋蔥湯法式焗田螺同法式蕉糖燉蛋 ， 最後緊係番酒店玩樓下個soft play area 。 Day 3 - Walt Disney Studios Park @ Disneyland Paris 一早checkout坐車去迪士尼 ， 去酒店放行李拎入場票（好唔開心 最後d named and dated 入場 咭 留低左響機場，一張相都冇影過！） 再坐shuttle入場玩喇！ Frozen🙋 Cars earthquake, volcanic eruption🙋 Spiderman🙋 Woody🙋 Jessie🙋 Night Parade🙋 Self Driving🙋 Mickey mouse 3D show🙋 Fireworks🙋 Day 4 - Disneyland Park 一早酒店竟然有得同聖誕老人影相，仲拎多一個聖誕badge 。 Santa Claus🙋 Chip & Dale🙅 Castle🙋 Mickey show at restaurant🙋 Alice in the Wonderland maze🙋 Lion King 🙋 🙅 Souvenir🙋 結論：有D位香港迪士尼真係出色D，而 法國迪士尼 唔算大 ， 玩3日全日一定玩得曬！ Day 5 - shuttle to airport to home 我地唔係去CDG大機場，好彩迪士尼酒店有車直去ORL細機場。 飛機 只係 坐1.5小時就到 ， 但機場過關排隊唔知等左幾耐 。 早知Disney package三日兩夜係包3日multi park入場票，就買晏D機票啦～ 4-Days Spending(2 adults 2 toddlers):...

唔知由幾時開始人唔再相信有聖誕老人的存在呢？ 不過作為一個成年人，可以見到聖誕老人真人仍然係好開心的事！ 今日去左個農場同聖誕老人見面，每位小朋友£2，講白D，D錢係用黎買聖誕禮物比小朋友，而小朋友禮物內容又好似係根據年齡而派：colouring book for Carson；pencil for Charlie。 最重要係咩呀？咩冇人，任影唔嬲，講明take as many pictures as you like！正！ 如果好天，個農場仲有好多野玩，又有得餵小動物！唔錯。 Fentons Farm Foods Information Website:  https://www.fentonsfarmfoods.co.uk/ Address: Cherry Tree Ln, Altrincham WA14 3QW

跳彈床跳彈床跳彈床，係大人細路都鍾意的跳彈床呀！ 今次生日會係去Oxygen Park，真係見到都開心。 有大型充氣床/跳​​彈​​床區 (aged 5+) 有softplay area比幼兒玩 (below 5) 一直跳到成身都係汗，早知冬天都著定短袖打底先去啦！ 唔係去同學生日會我都唔知有哩個地方呀！ Oxygen Park Information Website:  https://oxygenfreejumping.co.uk/ Address: Epsom Ave, Handforth, Wilmslow SK9 3PW (Wilmslow) Opening hours: 9am to 6pm (Mon to Sat); 9am to 5pm (Sun) Price: £13.5+ (60mins jumping); £6.5 (soft play)

跳彈床之選Inflata Nation，同之前其他地方最唔同係 大人唔可以入去一齊玩 ！！ 大人唔可以入去一齊玩 ！ 大人唔可以入去一齊玩 ！！ 大人唔可以入去一齊玩 ！！！ 所以小朋友要夠獨立，可以自己玩先好去呀！！！ 又或者你唔介意比完小朋友入場再比大人入場費都可以一齊入去玩，否則你只可以在"Under 4 area"外，睇住小朋友在"Under 4 area"玩。 Inflata Nation Information Address: Inflata Nation Manchester, Trafford Park, Textilose Road, Manchester M17 1WA Website: https://www.inflatanation.com/locations/manchester/

  一入到去Trafford center附近超大型室內兒童遊樂中心，大人細路都啱玩的Play Factore，心入面即時 WOW 左一聲出黎！ 間soft play真係好大！（當然亦唔平！）等小朋友大D黎玩就更盡興！ Play Factore Information Website:  https://www.playfactore.com/ Opening Hours: Everyday 10am to 6pm Address: Trafford Quays Leisure Village, 7 Trafford Way, Trafford Park, Stretford, Manchester M41 7JA Children aged 1-4: £9.95 Aged 5-16: £12.95(non-peak); £15.95 to £19.95(peak) Adult: £4.95 P.S. Groupon間中會有£25兩大兩細優惠，可以留意下！

 英國咁大，對小朋友服務咁好，親子餐廳選擇當然多，今次到訪螞蟻餐廳Antz in Your Pantz，妹妹黎左幾次就好熟路，同哥哥兩個一入到去就除鞋走左去玩lu～ 入面玩咩基本上都係同其他大同小異，有幼兒區、有得扮建築工人、有跳彈床、有cafe可以買野食買野飲、特別少少係有碰碰車（另外收費）。 可以book場開生日會，不過都唔平，大約£20一位（depends on package），仲要有最低消費（minimum number of children）。 Antz In Your Pants Information Website:  https://antzinyourpantz.co.uk/ Address: Unit 7, Crown Industrial Estate, Canal Rd, Timperley, Altrincham WA14 1TD (坐tram都好易搵，Timperley站過對面馬路一條直路行5分鐘就到。外表係一個個貨櫃倉／工廠區。無法形容。) Opening Hours: 9:30am-6pm

附近有個公園可以坐小火車真係幾好，仲要好平（30p一位），雖然兜一個圈兩分鐘就到，但起碼叫有D特別野玩下。 公園玩樂設施同一般無異，河邊有一隻船餐廳主要賣飲品，廁所好似4點後就關門，雪糕車不定時出現。 蒸汽火車基本上每個星期日都有，至3點半或4點左右（視乎當天人流而定）。 另外，火車公園唔同日子都有新搞作，例如Easter有復活蛋遊戲、Halloween有ghost train、聖誕節又有聖誕老人派禮物。 P.S. 有一次有本地人叫我google "Model Engineering Society"，就可搵到自己附近邊度有小火車坐。 Walton Park Information Address: 37 Walton Rd, Sale M33 4AT

  跆拳道Taekwondo 同空手道karate 都係一個幾熱門的武術課外活動，可以訓練聽指令，可以控制手腳力量，又可以保護自己。 原本試堂試得好開心，仲試左一個月我先的起心肝去報名， 點知比完跆拳道入會年費同每個月學費，寶貝囝又話唔去上堂！ 軟硬兼施都唔成功，而家問佢學咩都say NO，唯有比佢做下宅男先。 雖然女仔比男仔更應該學跆拳道，不過哥哥唔學妹妹又話唔學，等佢地大D再問啦~

 Bolton, North west of Manchester. The most famous spot of the area: Bolton market. 有龍蝦有牛肚有牛栢葉有鹿出售，原隻鹿應該係聖誕節先有得賣，因為我之後去都唔覺有，但第一次見到幾隻死鹿好似魚咁放響度賣時真係好有衝擊，絕對有嚇親。 另外有唔同菜檔海鮮檔，原條三文魚呀青口呀蟶子帶子，或者西超罕見的白蘿蔔同苦瓜大西瓜連根菠菜，應有盡有，咩都可以搵到，要好似尋寶咁慢慢睇，又要好似去香港街市咁格價，不過一定要早去，晏左去賣曬就關門收檔架喇！ 附近有間Morrisons長期做緊kids eat free，去歎一餐再買野都得。 而Bolton市中心有Primark有Mcdonalds有Wetherspoon，可應付一般行街需求。 最常泊車位置係NCP Bolton Octagon Theatre MSCP(Great Moor St, Bolton BL1 1SN)。

話說某天經過薰衣草時 ， 介紹比寶貝知聞完會好瞓D，之後見佢大力索左好多啖。 今次 為左大家都瞓得好d，所以捉緊夏日的尾巴，黎左人生首個薰衣草園。 行程尾站係去  Inglenook Farm睇薰衣草 ， 趁7月尾捉緊薰衣草 的尾巴 。 雖然唔鍾意lavender 的氣味，但是見到周圍滿滿的紫色， 心情豁然 開朗。 而且哩度 以免費薰衣草園黎講算好靚好大了！ 仲有兩個木雕Gruffalo打卡 ！ 附近有cafe同手信舖可以行下。 Inglenook Farm Information Address: Moss Nook Ln, Rainford, Saint Helens WA11 8AE Website:   https://www.inglenookfarm.co.uk/

Edinburgh同Glasgow中間有個地方叫Falkirk，地圖最顯眼就係一對大鐵馬The Kelpies，a pair of gigantic equine sculptures。 之前去動物園都響高速公路經過見到大鐵馬The Kelpies，真正入到去原來個area好大，行到腳都斷。不過鐵馬最近個car park係要比錢，如果要免費就泊kids play area個大公園，再行入去就最好！ 去完先知原來同大鐵馬打卡唔算係重點，個大公園 Helix park入面個kids play area先係用得最耐時間！好彩夏天日照時間長可以慢慢玩咋！ 個滑梯都幾高，而且愈上愈窄好難爬，好有挑戰性。 The Kelpies Information Address: Visitor Centre, The Helix, Grangemouth, Falkirk FK2 7ZT free of charge

蘇格蘭之旅行程重中之重就係去野生 動物園玩喇，因為個動物園係可以揸車入去睇動物架！！ 無乜邊幾個動物園可以咁做架咋，緊係要試下啦！ 天氣一般，先車內睇動物 ，我地無入到馬騮區，之後開始天晴就落車食完lunch再睇動物。 Blair Drummond Safari and Adventure Park 野生 動物園的動物種類係頗多，不過數量唔多，例如tiger lion elephant都係得兩三隻，所以好多時都唔係好睇到D動物。 第一次坐車睇動物 仲 睇 埋 海獅表演 睇恐龍 坐埋船仔 玩車仔 最後緊係玩勁大滑梯同埋 玩沙 沙池有大量桶同鏟，兩個小朋友玩左成粒鐘。 大家都好盡興 ， 開門玩到關門。 去Blair Drummond Safari and Adventure Park玩盡了一天 ！ Blair Drummond Safari and Adventure Park Information Address: Blair Drummond, Stirling FK9 4UR Website:  https://www.blairdrummond.com/ Ticket: £21 Adult; £15 for Aged 3-15 or 60+

三代親子遊今次去左9日蘇格蘭，由於有老有嫩，行程我改左N次。 很累。身心也很累。   雖然今次係大家第一次去road trip，為怕大家坐到pat pat痛，加上新手司機唔好太攰，我響中途加左D站，令每次都係兩個鐘左右就停一停。 最後實際行程如下： Day 1 – Carlisle 原本去Walby Farm Park，天雨關係改了去Aztec Soft Play，然後Carlisle市內同酒店附近走走，休息一晚。 Day 2, 3, 4 – Edinburgh 由於愛丁堡間bnb在Leith，第一天在Leith附近走走。 第二三天去新舊城區，一早最有精力時行Calton Hill，再去Edinburgh Castle同免費的National Museum of Scotland，最後就買手信。 Day 5 – Blair Drummond Safari and Adventure Park(Zoo) 期待已久的一天，由Edinburgh出發直接去動物園玩，最後去Glasgow民宿。 去了Blair Drummond Safari and Adventure Park玩盡了一天，第一次坐車睇動物，估唔到仲有得玩埋船玩沙睇恐龍，大家都好盡興。 Day 6 – Falkirk 全日留Falkirk睇大鐵馬同玩大公園，行到腳都跛埋。 Day 7 – Glasgow 去唔切Glasgow bookmark左的博物館，只可以市內走走，最後一日要好好享受間靚靚bnb（一間好大的覆式單位）！ Day 8 – Dino Park at Hetland 去左Dumfries的Dino Park，雖然唔大好細，但都有outdoor恐龍公園同indoor soft play，頗特別的，夠鐘就去Lockerbie享受另一間靚靚bnb。 由於bnb位置太荒蕪，最後仲要揸20mins車出Annan買外賣做晚餐。 到底住響度d人平時點生活架？ 難怪要將間屋整到咁靚去享受，一日到黑留響家唔出街喇！ Day 9 – Inglenook Fam 直接去Inglenook Farm睇完薰衣草再回家。 約定哥哥7歲妹妹5歲再黎過！💗 9-Days Total Spending(4 adults 2 toddlers): Accommodation: ~£3000 Petrol: ~£...

踏入六月，摘士多啤梨季節又開始，今年去遠少少，發現Chester 車打士個strawberries farm比上年去Warrington仲正呀！ Bellies Brothers雖然冇一個play area比小朋友玩，不過勝在有個garden centre，有餐廳有廁所有唔同種植用品賣。 最最最重要係： 1. 免入場費，摘幾多磅幾多比幾多錢（當日是£6.25/kg） 2. 唔洗預約，唔需要日日定時上網refresh website有冇位，摘士多啤梨仲慘過買演唱會飛咁 3. 個場勁大，唔會劃分某幾行唔同日子開放比人摘 4. d士多啤梨又多又紅又大又甜，一入到農場就聞到好大陣士多啤梨香味喇！！ 5. 日日都開，即興摘士多啤梨話咁易💗 Bellis Brothers Garden Centre & Farm Shop Information Website: https://www.bellisbrothers.co.uk/opening-times/ Address: Farm Wrexham Rd, Holt, Wrexham LL13 9YU

  lovely Charlie the elegant baby at ballet dancing classes 💗 睇住寶貝囡不斷進步，倍感安慰。 最後學左一年半，老師轉學校，轉老師唔適應喊，突然退步 ；同時 妹妹番學就唔到 芭蕾舞 上堂時間而 唔 再學。 而家唯有等佢大D再學另一間或者其他野啦！ 反正學費比起香港affordable更多。

 Wythenshawe Park被命名為青蛙青蛙公園... 係因為青蛙形垃圾桶。😆 Wythenshawe Park佔地好大，去左好幾次都無機會認真行完整個公園。 公園入面有大草地，大大小小依山而建的免費滑梯和遊樂設施，小朋友公園旁仲有大人健身設備可以玩，仲有農場，有動物，有農產品賣，有唔同高度山丘比人踩單車同滑板車。仲有一間細cafe（4點準時關門，如果需要去公園內唯一廁所請留意時間！）。 有小朋友最愛挑戰的三層樓高繩網，少d膽量都玩唔到！ 當然唔少得好受小朋友歡迎的雪糕車，每個weekends都會出現，冬天夏天都有人幫襯，特別日子仲有嘉年華（funfair）或者concert，絕對可以玩足一日都唔厭！ 有次我地去左個有大量吹氣彈床吹氣滑梯（加其中一個係吹氣長跑道加污糟泡泡）的funfair，同場加映Cocomelon JJ同Toy Story Buzz ，兩位BB玩得幾開心！ Wythenshawe Park Information how to get there:  Where is the park? | Wythenshawe Park | Manchester City Council https://www.manchester.gov.uk/info/200073/parks_playgrounds_allotments_and_open_spaces/2242/wythenshawe_park/2 satellite navigation: M23 0AB P.S. 入面有free car park，不過唔算大，先到先得。

 好似第一次揸車去咁遠就係去左The Ice Cream Farm @ Chester。 上網睇佢好似好大，實際去到比想像中細，不過係好玩ge！ 超多唔同味道的雪糕，花多眼亂簡唔落手，以英國雪糕價錢黎講£3.5(one scoop)至 £7.5(four scoops)真係唔貴。 重點Ice Cream Farm入場費都係唔貴，£2.5一位。 入面玩就另外收費，£4.5 per play, £30 for 10 plays (2 years validity), 又或者入面有D設施比£1 token。小朋友絕對夠玩。 P.S. 曾經見過Boxing day offer: originally £50 for 20 plays (50% off, so only £25 for 20 plays!) The Ice Cream Farm Information Website:  https://www.theicecreamfarm.co.uk/ Opening hours: 9am-6pm Address: Drumlan Hall, Newton Ln, Cheshire, Chester CH3 9NE

 週末買左weekend pass，同樣的價錢可以去所有區域(zone 1-4)，當然需要去到最遠，這次我選擇了Bury。 Bury在North Manchester： Bury小社區應有盡有，真的好適合退休人士住！ 基本上我只是在市中心走走，但我相信周圍還有很多值得探索的地方。 Bury Market   (記得查看開放時間)                Opening time:  https://www.burymarket.com/index.aspx?articleid=8384 購物中心Mill Gate Shopping Centre (連接到Bury Market) 就在Bury電車站外 The Rock Shopping Park (有電影院同名牌店，感覺比較高檔的區域) Angouleme Way Retail Park (有令人置身Toy Story場景內的玩具反斗城Smyths, 尋寶必去的TK Maxx, 超市Asda...etc) 最重要的是樓價低！！ 2022年，一棟3房半獨立屋，售價約為£ 20,000 英鎊。 P.S. 黃大爸Pandora Meal Box真係好好食，仲有紅豆冰飲，好足料！ Address: 36 Haymarket St, Bury BL9 0AY

  去Diggerland一定要上網預約買定票，因為有折，大約19% off。 不過 ， 正正因為一早買左門票唔可以退同轉日子，傾盆大雨都要去。 我地就係落大雨時去，所以 Diggerland 當日 真係好濕好多泥好污糟。 不過入面所有設計都係用工程車改裝而成，幾特別。同埋 好彩係入面有間s oftplay cafe ， 落大雨都有個地方避雨食野暖身同比小朋友玩。 之後坐車入恐龍區，同小朋友講safari adventure ride to see dinosaurs，大人小朋友分開坐，又幾有新意！同埋好surprised唔只係大人玩得，小朋友都可以玩得好開心，個樂園設計得幾有心思。 個人認為作為一個成年人， 係 好鍾意同好enjoy個主題公園，因為真實世界裡面我永遠無法操作挖掘機 工程車 。而對於小朋友黎講，最好係100cm+，咁就可以坐更多遊樂設施。 Diggerland (Yorkshire) Information Website: https://www.diggerland.com/ Opening hours: Sat, Sun & Holiday 10am-5pm Address: Willowbridge Ln, Castleford WF10 5NW

香港連$2搭車褔利都被提出要消失之際，英國£2可以做到咩？ 就係去動物園！！ 有圖有真相~ March offer: £2 each; Easter and Summer offer: £5 each South Lakes Safari Zoo Information Address: Melton Ter, Lindal in Furness, Ulverston LA12 0LU Website:  https://www.southlakessafarizoo.com/ Opening Time: 11am-3pm Original price: £25.99

週末去左Thomasland火車樂園，即係Drayton Manor，不過真係好大風好凍，吹到人都病埋。 當時未到peak season，所以只係開放了小朋友區，當係人臉火車的迪士尼去玩都可以接受，多數係轉來轉去的機動遊戲，人流唔多又有得睇恐龍，小朋友都玩得盡興。 臨關門先落雨，不過雨後見到彩虹🌈 P.S. Must bring pack lunch!! 場內餐廳好貴（£14.5 for burger meal deal; £7.5 for kids meal） Drayton Manor Information Website:  https://www.draytonmanor.co.uk/ Address: Drayton Manor Dr, Fazeley, Mile Oak, Tamworth B78 3TW Dated ticket: £26+ (Aged 4+) 當日入場票：£99 兩大兩細whole family day ticket(with £6 car park fee) 不過見夏天有promotion都幾抵玩：£209 for sleep over, 2nd day free from April to October

初到貴境，人生路不熟。 後來先知GP係平時睇醫生，但約期通常唔會即日，到睇你時你分分鐘已經病好。 111係緊急少少時，可以拎medical advise。 999就同香港一樣，超緊急時打的，要call police or ambulance. 人生第一次打111 好彩到埗不久登記完GP有health visitor到訪，否則都唔知有哩個號碼。 有一天樹熊仔撞到嘴又流血又腫，打去GP，佢叫我去A&E 打111講完個情況，幫我登記完醫院，就即去A&E 唔去唔知原來醫院急症室有分小朋友同大人 先去triage分流初步睇下情況食止痛藥 再等2個鐘就見到醫生可以檢查傷口。 人生第一次打打999 某晚零晨樹熊daddy話心口痛，嚇到我由床彈起身，打111，話chest pain要打999。 手到震曬打999，香港都未打過，仲要講英文，講完佢話救護車要等3個鐘。實在等唔到，唯有同佢講自己call uber去A&E。 去到triage問診就安排做urgent心電圖ECG同抽血，之後就係無盡的等待。 大人無小朋友咁快，最後等左9個鐘，足足一整晚無瞓。 但我相信urgent同老人家會快d，咁我寧願等耐d喇～ 最終所有report正常無事，放心補眠。

highly recommend比利時布魯塞爾必吃海鮮餐廳 - L'Océan 超級強烈推薦！！！比利時玩左四日食左三餐。 餐廳有兩層，地點方便，出左Midi Station行行下一過對面馬路，正正馬路口就係喇！第一次經過時比門面海鮮吸引住，自此一試難忘。 We are all very full and amazed by the delicious food。 We pick what seafood we want from the counter. I got fabulous meals with my family here. 比個idea大家大約幾錢：其中一餐三大兩細最終任選1.5kg海鮮 + 兩碗西班牙海鮮炒飯（paella rice €6.5@） + 一份薯條（€2.9） + 三支玻璃樽裝汽水，埋單€80！ 好飽！好抵！好滿足！英國一定食唔到！ L'Océan information Opening Hours: Sat to Thurs 12pm-1am; Fri 2pm-1am Address: Bd Maurice Lemonnier 162, 1000 Bruxelles, Belgium

行程另一景點就係去Train World火車世界，估唔到入面咁大喎！如果唔係趕飛機應該可以行足一日慢慢影相。 Train World Information Website: https://www.trainworld.be/en Address: Pl. Princesse Elisabeth 5, 1030 Schaerbeek, Belgium Opening hours: Mon close; Tue-Sun 10am-5pm Admission Price: €15(adult); children depends on age

同小朋友去旅行，行程安排點可以唔以佢地興趣優先？ 在Antwerp（安特衛普？）的室內兒童遊樂中心Plopsa Station，一個價錢可以無限次玩所有遊樂設施。 該遊樂中心有三層樓，最底層係soft play波波池同有食物賣。不過每層樓只有一名工作人員來操作多個遊樂設施，雖然係假期但人流唔算多，可惜現場人手不足，成日要等工作人員操作完上一個遊樂設施，再過來操作下一個。 官方票價好貴，但你可以在網站上bid價格較低的門票，只是程序有點複雜，不過都叫慳到少少。 official price €27.5 per person (>100cm) and €13.5 per child (85-99cm), my lovely son is 103cm while my lovely daughter is 86cm! 即係我地每個人都要比錢入場！好貴但很值得！ 因為我地玩得好開心，我地都好享受，這個地方讓我們重拾很多童年回憶。 然後很幸運的在回程乘坐雙層火車（第一次！） Plopsa Station Information Website: https://www.plopsastationantwerp.be/en Opening hours: Mon, Tue, Thurs 10:30am-4:30pm; Wed 10:30am-5pm; Fri, Sat, Sun, Holidays 10am-5:30pm Ticket price: €27.5 per person (>100cm); €13.5 per child (85-99cm) Address: Mediaplein, 2018 Antwerpen, Belgium