LYHK life - 「樂」極忘「瀅」成長記

睇黎荔園都幾冇生意，今次又有優惠，£65五個人，兩個家庭share就perfect！ Gulliver旗下有四個樂園，可以比£99買年費都幾抵玩，住附近冇野做可以去玩下~ 今次一於去遠D，去Sheffield，車程1.5小時。 估唔到今次Sheffield同上次Warrington都有少少唔同！ 一入門口見到勁大個bouncy castle同climbing wall： 周圍感覺新D靚D，室內餐廳有得睇show，不過中間唔可以穿過（有resort阻住），所以要玩曬個themee park就要走回頭路。 Gulliver's Valley Theme Park Information Address: Mansfield Rd, Sheffield S26 5QW Price: £29 (Adult/ Child above 90cm) Website:  https://www.gulliversvalleyresort.co.uk/

一直想去被評為荔園的Gulliver's World玩下，不過覺得£30一位好貴，而家終於有機會喇！！ 好彩學校派左本雜誌，入面有張買2送3優惠券，成件事即時抵曬！ 半個鐘車程緊係去啦！ 一入門口就有人派寶石，坐完火車睇完一個圈就周圍行慢慢玩。 最印象深刻係： - 有間upside down house，入到去所有野都好似搖緊咁 - 玩由細到大都好想玩的碰碰車 - 連底褲都濕埋的滑水 - 臨關門玩埋個好似超人咁飛的機動遊戲 大滿足！ 如果大家見到有promotion都值得黎玩！ Gulliver's World Information Price: £31 (above 90cm大小同價) Address: Gulliver's World, Warrington, Cheshire, WA5 9YZ Website:  https://www.gulliversworldresort.co.uk/

暑期緊係要試下唔同暑假班，第一次試join forest school。 係人都知玩forest school緊係要天氣好先參加，而世界各地天文台都係今日預測聽曰都唔準。但因為個holiday club實在唔平但又好快full要預早登記，奈何天氣變化太大唔想太risky。唯有參加兩日試水溫，好彩最後一日晴天一日陰天。 而樹熊仔十分享受，超級鍾意森林學校！ 接放學一刻，寶貝玩到由頭到腳都係泥，飯盒食物全清，即使臨放學玩到跌親腳，行路一拐一拐，仍然日日問幾時再去。 到底有咩玩？ 原來學校入面有大草地，有足球場，有得用樹枝砌tent整風箏整魔術棒，仲有得摘blackberry，而最難忘就係有得燒綿花糖！！！ 有咁多唔同體驗，唔怪得玩到咁開心又咁攰。 認住枝旗，認住個網頁，自己去預約喇~ We are Adventurer Information Website: https://weareadventurers.co.uk/ holiday club: £35 per day (9am to 4:30pm)