LYHK life - 「樂」極忘「瀅」成長記

一早留意到Bean & Brush，唔同日子有唔同手繪裝飾，如情人節畫心心；萬聖節有骨頭等，今日終於book左枱去體驗一下哩間另類親子餐廳，來個art cafe初體驗！ 野食好食又唔算貴，陶瓷視款式另計，一節兩個鐘可以有得畫畫油顏色又唔怕整污漕地方，睇兩位寶貝玩得幾開心！ （左£17右£12.5） 最後油完交比舖頭拎去燒，再等一星期可以去拎，顏色即時sharp醒曬。 Bean & Brush info: Website:  http://www.beanandbrush.co.uk/ Opening Hours: Sat to Mon, 9am-5pm Address: The Old Sorting Office, 12 Hayfield St, Sale, Manchester M33 7XW (moved to Stanley Square now！)

外國真係好encourage大家睇書，在cafe或坐車成日見有人在手袋拎本書出黎睇。而佢地睇書係從小到大培養的。 話說3月2日係World Book Day 世界書本日，小朋友有token可以去指定超市或書店換書。眼見超市大大個架放當眼位置比人知有free book，而書本亦有分唔同程度。 list of books: https://www.worldbookday.com/books/ 而我一早見到個shelf，不過唔知邊度拎所謂token。到World Book Day當日先知原來學校每人會派一張。 事後再去library，原來圖書館有得派換書券，今次妹妹都有份了。 最後加埋學校派比哥哥一張券，我地換左3本書。

在香港已經好想帶樹熊仔參觀消防局... 無奈因為疫情，消防局開放日暫停直至另行通知，無得參觀，最終只去了博物館。 而家終於有機會去消防局開放日喇～  寶貝囝同寶貝囡都有得一齊去玩添！ 仲有得坐上消防車影相，我咁大個女都係第一次咁近距離接觸消防車咋！ 而且仲有火燭「表演」睇，大人細路都好開心。 在英國的朋友search Fire Station open day（e.g. London Fire Station Open day 2023）就會搵到自己區邊間消防局幾時開放日，bookmark定去喇！

Out of the Blue果然舖如其名 ，completely unexpected 。 間野完全唔起眼，一開始仲直行直過左，入到去又似普通魚檔。 點知。。。 一問sashimi簡直驚喜，原來有三文魚吞拿魚同一款唔記得咩魚三款！ 然後職員由凍櫃拎出刺身比你選擇，再幫你去皮，拎番屋企再自己切開一片片。 同場仲見到勁大帶子（不能生食！一定要煮！）£4.25/100g. 不得了，最後埋單scallop £12.75; salmon sashimi £9.86; tuna sashimi £16。 唔係講笑，真心好食！！！ Out of the Blue info: Website:  https://www.outofthebluefish.co.uk/ Opening hours: Everyday 9am-5pm. Close on Sunday & Monday. Address:  484 Wilbraham Rd, Chorlton-cum-Hardy, Manchester M21 9AS

新黎新豬肉，黎到新地方接觸新病菌，就算香港十年都唔病一次，但而家經常病同次次病都成個月唔好已經係日常。 真心覺得自己太弱，唯有去打流感針。 去到醫院，沒有指示地點好難搵不在話下... 沒有消毒 沒有膠布 打完即走 好大文化衝擊

其實在外地過農曆新年是什麼感覺？ 就是沒有太大氣氛，一切都要自己創造。 第一次跟傳統做法用錫紙兜蒸。 第二次試電飯煲蘿蔔糕，又得喎！ 食譜做法自己睇youtube: backpacooking

離開香港時 因為不同的防疫措施 我有很多朋友來不及好好說再見。 也因為同一原因 我的航班取消了兩次 航空公司換了兩間 航線也由直航變轉機 日子提早兩天 多付港幣~$2000 總算搵到機位。 離開當晚 有朋友到我家說再見 有家人到機場說再見 也有在機場偶遇朋友可以說再見 起飛一刻 兩位小朋友已經很累透了 等不到機上“晚餐/宵夜”已入睡 樹熊女仲飲緊夜奶 機上大家瞓得勁差 不斷又醒又瞓 到達轉機點 惡夢來了 簡直是畢生最差轉機體驗！ 排隊過海關明明還有兩小時 但關員及航空公司職員不斷指示去對方隊伍排隊 來來回回好幾次重新排隊後 真的miss了航班 要re-arrange 而下一班機最快也在12小時後 omg 火車車程3小時的地方，我居然留在機場超過12小時！！！ 希望此生沒有下一次。 最終順利再上機 順利到達目的地 由日出等到日落 終於安全到達新家，一切很不真實。 我真的移民了。 從A到B，樹熊仔38個月，樹熊女16個月。 太累了。 晚安。