LYHK life - 「樂」極忘「瀅」成長記

今日黎左有英國奈良之稱的國家公園Dunham Massey，竟然真係有得好近距離見到小鹿呀！ 同樣都係野生，同日本唔同的係哩度d鹿係 唔可以餵 架！有指示牌同職員提大家。 如果天氣好曬好熱，有雪糕車同雪糕店比大家。 當然都有手信店同餐廳（賣飲品同包類為主）。 其實只有別墅（古老大宅）同花園要買入場券，仲有泊車要比錢（可以泊街），其餘地方如大量大草地同樹林加湖邊（唔怕小鹿disturb的話絕對係野餐好地方）都係免費。 絕對值得到此一遊，當自己番左鄉下～ P.S. 耐唔耐唔同報紙網站都會有family pass送！記得留意下 ！！ Dunham Massey Information: Website:  https://www.nationaltrust.org.uk/visit/cheshire-greater-manchester/dunham-massey Address: Dunham Massey, Woodhouse Lane, Altrincham WA14 4SJ Opening hours(cafe/ car park): 9am to 4pm

休息了近8個月，終於回歸職場。 沒有收入，從零開始，所有支出的確不少，卻賺了247天陪伴寶貝囝囡成長的日子。 新工作仍是文職，全職工作，小薯一名，完全0壓力。 工作時間 雖然冇得work from hme，不過公司實行flexible working，早到早收工（e.g. 8am to 4pm）；遲到遲收工（e.g. 9:30am to 5:30pm），自己計番8小時，中間30分鐘食飯就得（12non to 2pm自己處理）。which I find pretty fair. 另外也有不少一星期番兩三天，或一天番六小時的兼職，所以永遠唔知大家幾時食飯同收工。 同事 部門同事大約20人，有不同種族不同膚色，但暫時只有我是亞洲面孔。 break 工作地點算是荒蕪之境，食飯時間只有30分鐘，附近除了一間cafe，就要行10分鐘去一間細超市，同超市附近幾間炸雞店，咁到底本地人食咩？ 自己帶的sandwich or wrap cucumber & cottage cheese dip rice crackers & cottage cheese dip soup tuna/ cheese/ fruit salad pasta fried rice 各式各樣簡單食物為主，而我繼續係帶飯，好彩公司有microwave. 其實我覺得30 minutes break都幾好，香港食個半兩個鐘，好多時都係用黎排隊同等又或者食完瞓覺同睇劇，而家快食完早收工咋仲好～

 我家寶貝女兩歲喇！ 為左慶祝寶貝囡大個女，前一晚用左兩個鐘整左個咁ge decoration出黎，雖然理想vs現實係有少少出入，不過效果都唔錯丫！ 另外，最估唔到係個souffle cheesecake幾好食，切開仲要粉紅色架，可惜無影到入面。 寶貝囡其實都係母乳寶寶 ，不過21個月就自然離乳喇，長過哥哥兩個月左右 。  而哩個慢熱的靚靚pink lady仍然好痴身，晚晚都要手拖手面貼面瞓覺，平時行遠少少就會喊，將來番學都唔知點算！ 係甜蜜的負擔呀～～～

Sheffield 雪菲爾一日遊 ，除左行市中心同去公園玩去度日，仲 食左放題，好感動有sashimi同比較正宗嘅日本料理。 餐廳門口都有櫻花樹睇下，裝修氣氛好正！ 雖然刺身有quota，但我還是很滿足。 寶貝囝同寶貝囡都係第一次食放題咋！ 記第一次食 紫菜 雪糕同埋枝豆。 來回火車票(1hr 15mins)：£41 for 3 adults (children under 5 is free!) Tsuki Restaurant Information Website:  https://www.tsukirestaurant.co.uk/ Opening Hours: Mon to Sat 12-10pm; Sun 12-9pm Address: 58-60 West St, Sheffield City Centre, Sheffield S1 4EP all-you-can-eat Price: £38.95 on Mon-Thurs; or £42.95 per person on Friday/ Saturday/ Sunday (free of charge for toddlers under 4 years old!)

話說樹熊仔第一次響哩度放暑假，當然亦係第一次在英國過夏天，學校竟然有holiday club，仲要唔貴，£20番全日8am至6pm，雖然係要自己帶lunch，但可以托兒實在太正喇！ 即時同寶貝仔去買左Spiderman lunch bag，有飯盒水樽一套，期待4天寶貝放學的lunch box. 去圖：     天天唔同款算係咁啦～

落雨最佳節目緊係去 行 博物館 ！ 市中心附近的Manchester Museum， 有木乃伊Golden Mummies of Egypt（18 Feb-31 Dec 2023）、 有恐龍化石dinosaur 、 all sorts of animals， 最重要係免費入場！！ 博物館內有一間Cafe， University of Manchester 附近亦有唔同快餐店。 Bonus: 曼徹斯特博物館步行20分鐘 ， 可以到 市中心新開的 Mayfield Park to end the day if the weather is nice. Manchester Museum Information Website:  https://www.museum.manchester.ac.uk/ Opening hours: 10am-5pm, close on Monday Address: University of Manchester, Oxford Rd, Manchester M13 9PL Mayfield Park Information Website:  https://mayfieldmanchester.co.uk/the-park/ Address: Boardman Gate Entrance, Baring Street, Manchester M1 2PY

721緊係會諗起一個地方，在香港元朗國，我都有同太陽花打過卡，估唔到英國太陽花田係大咁多，真係可以迷路，不過我地到時已經係季尾，好多太陽花都面向地了。 anyway, 去太陽花田路上見到有人騎馬，兩位小寶貝s都好興奮。 睇完花再去隔離餐廳食pizza同ice cream, 完美的一天。