LYHK life - 「樂」極忘「瀅」成長記

 同學生日會，今次黎左個新地區，同時亦係一個新的兒童遊樂中心，入面唔大不過就好適合幼童玩。 今次生日會幾好，因為除左各自各玩，仲有一個session係小朋友同職員有互動，會一齊玩遊戲，玩下freeze dancing，最後唱生日歌，仲有Fireman Sam上台影相！ 開生日會幾有趣！唔知平時自己黎玩係點呢？ Cheeky Cherubs Community Play and Learn Centre Information Website:  https://www.cheekycherubsurmston.org/ Opening Hours: Mon-Sat 9am to 3pm Address: 1 Victoria Parade, Higher Rd, Urmston, Manchester M41 9BP

由細到大都暈車浪，點都估唔到有一日我可以揸車！ 英國學車考車，好多人都話好難，其實不然，雖然要解決語言障礙，但其他考官好好人！ Theory test:  用1個月時間每天做4 in 1 app，正式試題同app有九成似，有d係subject object調轉問，有10題未見過，最後僅僅合格過關。 Driving test: 1st take: 2 major 2 minor faults 學左46個鐘，轉左4架車，仲要用住師傅架courtesy car去考。 major 1: reverse bay parking試左兩次都對唔準個格，試第二次時仲睇唔到有車黎緊，明明朝早practice都冇事，reverse bay parking, front bay parking, parallel parking全部都好正常，點知考試就衰左。 仲要個car park我去過，之前次次去都無車，偏偏考試就突然有車出現！ major 2: 臨番到試場又冇停junction睇有冇車黎緊，心中仲諗緊我係main road or side road就比人踩停左，早知係唔係都減慢停左睇左先。 明明迴旋處表現唔錯，考試官又同我一齊數出口，等我唔會數錯。sat nav又怕我唔識睇解釋比我聽turning at traffic light等等。 唉 maybe its all about luck 唯有下個月再努力。 2nd take:  2 minor faults 今次係比上次有信心好多，終於pass左！total學左51個鐘車。 考試過程只係泊左泊右幾次，冇考泊車。亦無emergency stop。不過20mins independent driving竟然叫我自己睇road sign唔係sat nav，好彩段路考前上堂剛剛行過，如果唔係實嚇q死。 到最後番到test center我都完全唔認得，examinor 叫我turn off the engine我仲以為佢會叫我出去開車頭考我show me tell me question，點知見到cfu行過黎我先知已經考完。hahaha anyway，自由了！ 從學牌到正式車牌，一年都唔洗，the best gift ever.

第一次去列斯Leeds，係因為同事極力推薦Roundhay Park。 由於Roundhay Park絕對唔近市中心所以當日day trip只係去左公園同熱帶雨林世界Tropical World，不過都好足夠玩一日，仲玩到樂而忘返。 列斯的Roundhey Park可以媲美曼徹斯特的Heaton Park，有好大個湖同一間好好view的lakeside cafe。不過寶貝s最鍾意係坐火車同玩公園。 uphill train (£2/ single trip; £2.5/round trip) 公園有兩個大play area，一個在山腳湖邊，比較適合細bb玩，有bouncey castle同雪糕車長駐： foothill children's play area 另一個在山上，繩網滑梯比較刺激，適合年紀大D的小朋友玩，仲有大草地同滑板車區： hilltop children's play area, with large grassland and scooter area 此行較失望係Tropical world ，好熱好焗好細同無咩野睇，同事強烈推薦話小朋友好鍾意，但我兩個一入去就話要走，可能真係期望愈大失望愈大！ Roundhey Park附近有大量parking space，送上兩個children's play area的泊車地點： Location of Carpark one at foothill : 9 Park Ave, Roundhay, Leeds LS8 2WF Location of Carpark one at hilltop : Princes Ave, Roundhay, Leeds LS8 2EP

武漢肺炎沒完沒了出現左咁耐，大家都鬆懈之際，第一次見到兩條線的存在。 真係好好彩touchwood小朋友沒有被傳染，自我隔離加瞓覺都戴住口罩是值得的。 感覺：嚴重鼻塞加流鼻水，同埋頭好重（唔係暈，唔係痛，真係好重） 除左day 1超級唔舒服，其他日子都ok，加上到day 5開始negative，都幾快。 P.S. 已打了兩針covid針，中招沒有發燒，只是變聲及重感冒跡象。不過如果係第一代，應該...想像唔到後果會點！ Please stay healthy ❤

寶貝囝4歲喇！ 生日正日帶汽球番學校，老師比左個黑人問號之後又比佢拎入課室，仲講Happy Birthday，最後全班唱Happy birthday song比佢聽。大愛呀。 今日玩足一日：去完softplay玩就同朋友仔番屋企開生日會，食埋好好食好滿足的Spiderman紫薯蛋糕，人生第一次睇煙花，最後再去親子餐廳玩softplay食晚餐。開心寶寶。 見曬全部朋友仔。 小插曲係爭玩具。

寶貝s 1st Halloween, 1st knocking on door asking Trick or Treat?  不過第一年萬聖節就變左落湯雞 soaked to the rain on their first trick or treat! 蠢左，下年做好d 唔好去咁遠，屋企10mins範圍內就夠 不過小朋友又好開心，有一家人勁有心，準備了禮物袋 同埋外出都放糖在門口

天氣開始凍同落雨，又係時候去玩室內。 在Warrington的The Jungle，係一個兩層高的兒童遊樂中心，絕對係你的不二之選。 重點價錢唔貴，£1一位成人；小朋友£5.95(non peak)/ 8.95(peak)，任玩兩小時。 雖然話計時，但其實this two storey indoor children play centre同其他一樣都係唔會開咪叫你走。 不過佢位於Pinners Brow Retail Park內，而個retail park只有3小時免費泊車，所以玩到差唔多大家都會乖乖離開。 入面有熱食賣，不過味道一般又偏貴，解建議食飽先去玩。 The Jungle Information Website:  https://www.thejungle.uk.net/ Opening Hours: Mon to Fri: 9:30am-6pm; Sat & Sun: 10am-6pm Address: Retail Park, Pinners Brow, Warrington WA2 7XA