[18M] 麗都灣 樹熊玩沙初體驗

這酒店，同樹熊仔黎過三次：

第一次樹熊仔還在我肚子裡；第二次樹熊仔滿一歲；第三次，即係這次，樹熊仔歲半，變成樹熊2號在我肚子裡了！

半年前後，又來到這地方，樹熊仔大個左好多～

是次目的係去附近麗都灣海灘比樹熊仔玩沙，好想知佢係開心定害怕。

麗都灣海灘，是荃灣汀九橋西面第一個泳灘，如果住荃灣市區過黎玩都方便，不過我地就住附近的帝景酒店喇，玩完可以即時上房沖暖水涼同休息嘛！

當天到達時天竟下起大雨，於是先吃午餐再換泳裝出發。幸好下午在沙灘逗留兩個多小時，只是天陰陰，唔曬但又冇落雨，間中有風都幾舒服～

剛踏上沙灘，樹熊仔有點抗拒，指著腳仔向我表示不舒服，我叫他繼續向前行，找個沙比較幼細的地方set個tent，吹沙灘波，拎水桶同鏟等沙灘玩水玩具比樹熊仔warm up一下！

為食貓樹熊仔竟趁我唔留意時手快快畢左兩啖沙入口食，嚇到我即時比水佢沖下個口。之後佢好快進入狀態，在沙灘上跑來跑去玩沙踢波自得其樂。

體驗玩沙成功後，就帶樹熊仔接觸海水喇～

拖住佢去海邊踩水，有時太大浪沖埋黎佢企唔穩，所以之後叫佢坐低等海水沖上黎，再用水桶裝水玩。

心急的樹熊仔愈坐愈前，突然一個大浪沖上岸，樹熊仔濕曬，好似仲飲左啖海水，我及時捉住佢扶佢企起身，佢先冇比浪的衝力撞到瞓低咋！

接下來的時間，就係同樹熊仔不斷去踢海水，踢沙，踢沙灘波，裝水同畢沙入水桶，再倒曬D水... 無限loop。玩還玩，當然間中都要比水比樹熊仔飲，補充一下水份啦，小朋友掛住玩唔知口渴架～

一直玩到過左平時nap時間兩個鐘，樹熊仔仲好似唔識眼瞓咁玩得超開心，唯有匆匆捉佢去沖身處係咁依沖走D沙，執野上酒店房齊齊沖番個暖水涼再比佢瞓一陣，叉一叉電再出荃灣食晚餐lu！

今次洗費lunch比較貴係因為叫左酒店set lunch而冇出荃灣食，雖然冇左buffet樹熊仔冇得enjoy free meals，但勝在方便又因疫情而冇人，好似包場食野咁都唔錯呀～

入住日子：2020年5月

晚數：1

Spending:
Hotel: ~$370 (仲有得free upgrade去海景家庭房)
gogovan:  $245
Lunch x 2 days: ~$550
Dinner: ~$250
Total:  $1415

住後感：今次都係滿意的，雖然疫情關係冇左酒店buffet又冇左兒童遊戲室，第一次酒店泳池冇因為thunderstorm warning而唔開，但時間關係始終冇enjoy swimming pool。
不過樹熊仔對房間同沙灘都好滿意，不斷來回走來走去，笑逐顏開，合不攏嘴！

千五蚊都唔洗玩左兩日一夜，樹熊仔好盡興，我地當去左一個小旅行放鬆一下！

---------------------------------------------------------------------
帝景酒店 Royal View Hotel酒店資訊:
電話: (852) 3716 2888

地址: 香港荃灣汀九青山公路353號

綱頁: https://www.royalview.com.hk/hk/