LYHK life - 「樂」極忘「瀅」成長記

作為一位兩年抱兩，湊夠一個「好」字的全母乳媽媽，可以告訴大家陪月是必須的。 而我，兩胎都用同一個陪月－敏儀 可以用到敏儀真的純粹是巧合！話說我原本請的陪月因為身體有急病，預產期前三星期左右先同我講做唔到我生意，因此我臨急臨忙透過媽媽group介紹搵下有邊個陪月仲有期又唔介意遠願意接，就係咁，機緣巧合之下，我簽約當日就見紅入左院生哥哥了！ 以下幾個examples都令我了解到陪月真係好重要，所以當有左妹妹時，我即時問敏儀有冇期，好彩有咋！因為之後我介紹左4個朋友比佢佢都full左接唔到了。 1. 懷孕期間，有咩問題都可what's app問佢，陀妹妹時我瞓得好差，敏儀都有教我煲安神飲品改善情況。 2. 臨生產時，敏儀會睇下屋企有咩物品要添置，同埋準備炒米茶包比我響醫院飲。 3.  坐月時： (i) 除左煮野好食，會根據我身體復原狀況選擇食材，仲會準備我一日三餐加下午茶（燉椰皇同蓮藕餅係我的最愛！） (ii) 做野又快又爽手 (iii) 做完野會陪大仔玩 4. 疫情關係，大家特別注意衛生，敏儀入屋會換過全身衫褲，換新口罩，自備拖鞋圍裙，夏日炎炎都全日戴住口罩做野。 5. 年輕易溝通：敏儀好年輕就結婚同生小朋友，所以即使佢有豐富湊仔經驗，仍然好年輕，好易溝通，絕對冇代溝！ 總結： 第一胎哥哥太demanding，我上奶慢，餐餐要補奶粉，我埋完身再密密泵，人好攰唔夠休息，加上生產完就搬左去新地方住，有一千個不習慣。雖然敏儀不會催乳按胸幫我增加母乳量，不過她有搵一位催乳師朋友幫我。 我亦十分感激她可以婉轉地教長老新一代照顧初生嬰兒的知識，將廚房執到企企理理，同埋加強家人的衛生意識。 第二胎，妹妹比哥哥乖一點，而我在醫院又勤力了一點點，上奶上得不錯，15日已經全人奶，我仲有多可以比埋哥哥飲！ 不過哥哥正值最活潑時期，疫情關係冇得上playgroup，湊兩個真得很累，自己無左日夜追奶的煩惱，開始發現陪月的重要性。 我知道有好多陪月太遠唔接、二胎媽媽唔接、或者冇屋企人幫手唔接。 敏儀不但冇托手爭，而且快手煮好準備好飯餸，仲會幫我陪哥哥玩令我有時間休息、會幫手煮埋哥哥飯（哥哥仍然吃沒有調味的健康蒸餸，所以和我的坐月餐是分開煮的）、會準備好哥哥食飯枱、會幫手清潔哥哥玩具、會接疊埋哥哥的衣服、糖水又煮埋家人份量，仲有d好正的糖水做甜品！所以哥哥同陪月姨姨玩得好開心，大家食得好滿足

眾所周知，受hormones影響，產婦情緒好易波動。除了身體上不適，精神上照顧新生兒及缺乏休息的累疲勞，還有心靈上覺得自己做得不好又無所適從。 因此，家人主動協助及分擔家務，家人的言語，家人的支持十分重要。 至於如何一秒激嬲坐月媽媽，來個一人一句challenge一定極大回響！ 基本上Bb所有唔好的都關媽媽事 例如面上所有嘅胎毒奶癬頭泥都係媽媽的錯 因為媽媽陀住bb時食咗海鮮食咗蝦食咗蟹食左酸野辣野 如果母乳bb成日放屁成日痾屎係因為媽咪飲凍嘢 呢個到底係咩年代咩道理咩邏輯 我相信好多奶粉bb都係咁 因為bb腸胃成長緊 同埋bb都係得「食瞓痾」三件事咋嘛～ am I right? 所以，「為母則強」，各位媽媽心臟要好強大啊！相信自己，當其他人唱歌吧！

成日都有人話… bb會自己決定出世嘅日子時間同埋方式，有好多人擇咗日開刀但係bb早咗出世；亦有好多人原本諗住順產，不過最後可能全餐或者開刀。 而樹熊2號本來係預約咗開刀嘅， 不過佢太心急見爸爸媽媽同哥哥，我第一日放產假已經見紅，搞到我食完lunch就匆匆同樹熊仔say goodbye，拎住走佬袋就去醫院喇！ 好彩屋企人仲有wfh arrangement，老公番工都仲有人在我入左產房時去幫我登記入院。 否則，已經自己一個人拎住走佬袋搭巴士入醫院的我，仲要自己登記入院同入產前房，疫情仲要冇陪產冇探病，都幾lonely，心臟要好強大。 話說樹熊2號已經足月，我又見紅，雖然未到預約開刀的日子，但係都要去產房登記做簡單檢查，同一時間家人去急症室登記入院，再一齊入產前房。 入到去，先做武漢肺炎深喉測試留口水，好彩我太趕lunch後已冇飲水冇食野，否則又要等一排先做得test，test埋尿蛋白，姑娘安排左臨時床位比我等。 等深喉test result，等麻醉師，等姑娘，等安排手術室，排非緊急，今天內開刀要見到樹熊2號，等待期待佢仲郁來郁去好興奮呢！ 終於，換好手術袍，又禁食禁飲水數小時，麻醉科醫生黎同我講解半身同全身麻醉的風險，之後就繼續無了期地等。六小時後，深喉結果出左，姑娘終於話手術室準備好，即時叫老公去走廊相遇，姑娘叫佢約兩小時後問下我去左邊間產後房，之後我就入左手術室喇！ 上次因為係全身麻醉 瞓醒覺上洗已經向我身邊完全唔知咩事 今次半身麻醉發現原來真係好恐怖呢。 半身麻醉最恐怖嘅係你會聽到聲，你完全清醒，你感覺到你啲皮膚肌肉俾拉扯緊，但係完全唔覺得痛，唔知做緊咩，又完全郁唔到。間中醫生會同你講：宜家bb出嚟啦，你深呼吸。之後就聽到bb喊聲。然後隔一陣姑娘就會抱bb畀你睇。 就係咁，樹熊二號妹妹出世見大家喇！哥哥同妹妹似樣嗎？ 哥哥39w4，妹妹38w2出世，相差一週體重都相差1磅多d～ 要相親相愛，健康快樂成長呀！

 38週了，今天是見樹熊2號前最後一次產檢喇，下星期就要入院開刀lu～ 今次還是和平時一樣，探熱磅重尿蛋白量血壓等見醫生。今等待時間一小時左，比上次快dd啦！ 另外，醫生同我講有生產跡象：見紅／穿水／陣痛 就要入產房，否則就在預約日期入院喇～ 之後拎埋藥，又比左兩星期份量，看來家中藥的數量可食到生了。 最後，近日肚愈來愈重，三角位愈來愈痛，行路的確不像從前輕鬆了，可能因為年紀大又冇做運動，今胎冇上胎咁健步如飛了，好想快d卸貨，等我冇咁腰酸背痛。 而昨天去私家產檢時，醫生說肚中寶貝已經8磅了，是真得嗎？如此吸收嗎？難怪我這麽攰了！ 明天 終於 開始產假了，終於放產假喇！終於放產假喇！重要事情要講三次，我終於可以睡到自然醒，不用較alarm早起吃早餐開電腦工作。要趁樹熊二號出世前enjoy last few days。

37週了，樹熊二號足月了。 因為今次選擇了開刀，要見一見麻醉師，同我講解一下流程風險同睇下我適合半身麻醉定一定要全身麻醉。 是次收費＄１３５。 原來我上次係因為ｂｂ心跳唔靚而唔係因為大人，情況較緊急所以做左全身麻醉。 同埋原來全身麻醉係唔會自己breathe，所以要插喉，醫生會問下睇下D牙有冇鬆，真係長知識了。難怪上次起身之後咁口乾口渴講唔到野啦～ 另外，仲有d情況，例如有坐骨神經痛等情況都唔適合做半身麻醉的，醫生評估完情況同解釋完風險之後，就走得喇～比平時等待產檢時間快好多呢！ 最後，麻醉風險係咩呢？唔講唔知，原來麻醉係有機會會癱仲會死架，真係唔知，仲諗住而家醫療系統咁先進唔會有事！ 這次真的長知識了！ 所以話，女人生仔真係搵命博架！

轉眼來到36週了，還有一個星期就足月，兩個多星期就見到樹熊二號喇～ 好期待好期待，好期待放產假可以瞓到自然醒呀！雖然而家work from home都已經可以瞓晏好多，但都要set alarm早起開電腦同食早餐。 講下進度先～ 炒米茶： 陪月已經拎定五天份量的炒米茶比我生完之後醫院飲，所以順便我就執定個走佬袋。 薑醋方面： 仍然係婆婆煲比我，早幾星期番娘家已經見到婆婆準備中了。 走佬袋物品： 入院覆診卡 身份證明文件（＆老公HKID copy） 口罩十個（後來才知醫院每天早餐都會派一個口罩，不過預多好過預少） shower gel, shampoo, conditioner（如果見紅入院未有陣痛可以趁生之前沖個靚涼先，因為生左之後就冇得沖到咁舒服架喇！） face wash, face cream, body oil 束腹帶 孕婦m巾一包（ 黏貼式） 網褲五條 乾紙巾一盒 暖水壺一個 牙膏牙刷 初生尿片一包 濕紙巾一包 出院（老公帶來）： 防疫帽，bb出院衫，包被 媽媽出院衫，帽 後來發現自己忘了帶： 床墊 安睡褲（只帶了三條，應該帶最少六條以便更換） 垃圾袋 洗臉毛巾 bb手套（囡囡手指甲又長又尖常抓傷自己）

來到最後階段了，35w去產檢時，今次行程好豐富好full，不過又係等左好耐好耐好耐… 首先我被安排先去照ultrasound取報告，再等見醫生，今日順便驗埋b鏈，再去等姑娘安排開刀期、見麻醉師日子同下次檢查日子，最後等埋抽血同拎藥就走。 至於為何不順產？ 因為上胎開刀，而且兩胎太近，唔夠兩年，醫生話可以選擇先試順產，不過子宮有機會爆。咁for better planning，我咪揀開刀囉，起碼唔使陣痛唔知幾耐嘛！我又可以預先知樹熊二號邊日出世。 醫院有張風險紙比大家參考： 另外，今次又等左好耐，再約埋下次檢查都冇左一個朝早，上午十點到下午兩點先走得，餓死寶寶。 最後，實在忍不住了，雖然今朝等左好耐等到好肚餓，但我都要坐車前去一去我的最愛佳佳甜品買番碗芝麻糊takeaway番屋企慢慢歎。 正呀，果然佳佳係我食過最好食的中式糖水舖！

work from home的日子漸漸變得空閒，預產期快到，冰箱還有樹熊仔的冰奶存貨，所以決定整用其中兩包第二批人奶皂。 上次係第一次整所以用左DIY pack，今次就決定自己買油買材料自己整，用了不敏感溫和配方：酪梨油及甜杏仁油。 因為純天然無防腐劑配方，淨係買油都用咗五百幾蚊，難怪出面手工皂咁貴。 上次用牛奶盒，今次用番手工皂模，希望下次practice makes perfect，可以整得再靚d。 今次整左十二星座： 只要等多兩至三個月就可以用了，而家暫時可以用住上一批先。 期待下次再整，可以快d清左冰箱d奶，留番d位比樹熊二號d奶奶用。

28w之後再一次產檢，已經係一個月後，33w 到公立醫院檢查時，唔經唔覺已經到左孕後期喇！是次同平時普通檢查一樣，流程如下： 登記完量體溫驗尿磅重量血壓 今次首先去聽母乳講座 有經驗的母乳姑娘會比份餵母乳問卷你填，再根據你的答案糾正一下你的母乳知識，教你餵母乳唔同姿勢 之後就出去等見醫生 等了又等，不明白為何我張紙priority係1但都要等個半鐘...... 之後見得5分鐘左右，都係問你有冇咩唔舒服 使唔使拎藥(本人兩胎分別成功拎過cream, materna, calcium, 纖維粉) 講起藥，真係好睇醫生/助產士好唔好人，上胎無論我講到個身幾痕，我點唔舒服同便秘抽筋，都只係同我講只有materna。只係有一次我個助產士放假轉了另一位，先有纖維粉比我咋！materna基本上個個都會比，係最易拎的。 最後，臨走前約下次期就走得！ 下次安排兩星期後 因為我有任娠糖尿排兩星期後覆診 一般其他媽媽係安排4星期後 35週打後先至係兩星期覆診一次

一直以來都好想去Discovery bay hotel sleepover，不過因為價錢冇去，突然比我搵到$17xx的staycation package，包埋雙人早餐加dinner buffet，不得了，只係一晚房價平時都要千四啦！所以我二話不說就book了。 可惜，期待已久的愉景灣酒店staycation因為疫情再爆發被迫cancelled。 好 唔 開 心。 冇得帶樹熊仔玩多次沙灘。 冇得趁夏天完結前游多次水。 而家變左天天在家困獸鬥。 冇左Discovery Bay hotel，唯有book番四季酒店Staycation補償一下啦～ Four Seasons Hotel $2400 Stay and Dine package已經包左海景房，房內雙人早餐，三道菜晚餐。 樹熊仔一入到房鞋又未除，口罩未除，已經甩手跑左去窗口睇風景喇！ 睇風景睇車睇船睇helicopter睇太陽伯伯咩都睇，好新奇～ 當日食飽lunch就坐巴士去中環碼頭行下，睇下船睇下海睇下ferris wheel。 再去海旁 海事博物館天台的C afe 8買下午茶takeaway，順路行埋ifc，買下Lady M，最後先去checkin。 settle down食完野休息完 行下City super，行下中環兜個圈就夠鐘食飯喇！ Package的三道菜Dinner可以選擇中式同西式，為左有飯比樹熊仔，再滿足自己想食心太軟的慾望，我地就選擇了一中一西，西式不過不失，而估唔到中式竟然意外地好食。 沖完涼食完晚飯，房間仲有提供水果同有得玩cookies decoration： 再去窗邊睇下風景，臨瞓前樹熊仔再浸多次浴缸，便上床休息了。 第二朝的早餐，選擇了American breakfast x2 sets。 除了美式，仲有英式日式中式同自選，我見美式有包有水果有omellete有果汁又有餐飲咁豐富，所以就選擇了美式，職員好準時到仲幫我地set好table，對住Victoria Harbour歎早餐，正！ 我叫左熱豆漿，估唔到佢連埋個暖壺上，一共有4杯咁多～ overall, 個早餐好好味，一家三口都食到好飽，樹熊仔食左整個omellete同半杯橙汁。 最後，臨走前寶貝仲浸多次浴，一共玩左3次浴缸呀！ 回家路上仲搭船再坐bus～ 一路哼著歌，樹熊仔不知不覺睡著，終於番到屋企了。 "row ro

疫情關係，香港酒店各出奇謀吸客。 我見荃灣如心酒店Staycation package咁吸引，所以book左一晚試下，點知令人勁失望， a VERY disappointing experience。 首先，我睇中佢個海景，上面張相就係樹熊仔加房個景喇，是不錯的，只係房間decoration走中國風，見佢之前主要做自由行生意，都係意料之內ge... 另外，我睇中佢有swimming pool，仲要有 indoor and outdoor pool，落雨也不怕～ 見佢$9xx包左2人中式晚餐/ dinner buffet，所以就book黎試下玩下順便比樹熊仔去游水啦！ 當日3pm可以check in， 我地大約三點半到酒店，不過check in條隊勁長勁多人，等咗大半個鐘先搞掂，仲要只係安排咗個中層的單位。 原本plan左check in完換衫去玩水，但望到泳池勁多人，唯有去浴缸開水比樹熊仔玩下水先，然之後去行下donki，留番第二朝早d起身去游水！ 行到差唔多時間就番去食dinner喇，睇佢menu都唔錯丫！ 可惜，個dinner真心失望，勁少野勁細份，真係按人頭比兩條排骨、兩碗炒飯、 兩塊蝴蝶酥、兩條海參、兩碗紅豆沙、兩隻鮑魚、一大個煲但係幾條菜，好心佢就用個細啲嘅煲，顯得啲菜多啲啦...唉！ 我之前去帝景酒店experience真係好好多，$3-400一晚但可以去附近沙灘，又有shuttle出出面食野，就算酒店叫set dinner都唔貴而且份量又夠，好過而家雖然package包左但唔夠食要出去再食過。 第二日， 我地一早8點就起身落去泳池游水，室外池有三四個人；室內得我地一家3（4）口咋！ 原本以為室外池係infinity pool，點知游到去池邊見到係實色牆，好失望！早知唔游出去，留番少少幻想空間比自己～ 最後，我地只係游（玩）左半個鐘左右，仔仔已經謝左，要齊齊上房沖涼補眠喇！ 瞓醒，樹熊仔食左人生中 第六次buffet ，疫情關係出去拎野食係要wear mask的。 不過重點係就算酒店住客有半價都好唔抵！ 因為食物真係得好少選擇，如果唔係有樹熊仔同二寶，真係寧願出去食好過，反正荃灣有大把餐廳選擇，事後我終於明點解openrice全部都係劣評喇！ To conclude，真心唔recommend荃灣如心酒店，如果當要泳池游水，要避開人潮，都要選擇佢剛開

到孕晚期了，第二胎肚子比上胎大，感覺樹熊二號比樹熊仔更活潑，最討厭的恥骨痛已經開始一個月了，晚上睡覺仍可平瞓一陣，但一轉身三角位真係好痛，好難入睡加上易醒，睡眠質素好差。 由於疫情關係，公司安排我可以work from home，開心是可以陪樹熊仔，令佢冇左每日電視放題，無得電視送飯。 不開心是我完全不能工作，只要我一開電腦，寶貝就爬上我大脾打keyboard。 因為樹熊二號的福（？） 仲有COVID-19 wave 3的出現（？） 我由29w開始home office，睇而家情況應該到放完產假先番工。 計計下應該有25個星期假。 是福是禍？ 不過，比ftm更辛苦的，肯定是home office的working mum。 還有一堆什麼也不做的「家人」。 心中常常有個聲音在問我：「如果再選擇一次，你會要現在的生活嗎？」 可能因為之前寶貝未瞓醒我已經出左門口番工吧？ 近幾星期樹熊仔每天瞓醒見到我都好開心 睡飽起床的他心情特別好 特別可愛 也特別痴身 again, 我home office=/=我無野做=/=唔洗做=/=可以響屋企打機瞓覺睇電視。 我仍然有我的工作，我仍然需要開會，我仍然需要交報告。 我一邊工作，同一屋簷下的「家人」卻在房內打機或sofa上不小心睡著了，而寶貝一直騷擾我。 起初，我念在她平日辛苦照顧活力充沛的樹熊仔需要休息。 不過，一直以來樹熊仔早午晚三餐的飯餸是我前一晚準備好的；而且在家工作的日子飯更是我餵或他自己吃；洗澡就睇樹熊仔心情指定要誰負責；我觀察到她最辛苦的除了午膳時問我:「想吃什麼？我去買。」，就是和樹熊仔一起午睡、準備大人晚飯、把衣服放入洗衣機再放入乾衣機，我實在找不到她比我更累的理由。 她，只是很懶。 相見好，同住難，是沒有錯的。 更何況之前相見次數也不多? 原來跟一個與自己背景生活很不相同，而且沒有一點感情的人一同居住，是一個很大的錯誤。 大家真的很合不來。 例如我很著重衛生，但她對清潔的意識很低； 我受原生家庭影響， 著重做健康及有營養的飯菜，她卻對煮食一竅不通，習慣以即食麵度日。 我未見過一家人可以咁懶，咁馬虎，咁自私。 一個媽媽可以咁不負責任，咁冇責任心。 例如我會整齊地把廚櫃和雪櫃的食物放好，first in first out; 但他們只是見有位置便把新的塞進去，first in last out。 我會把衣服接好再放入衣櫃內

印象中樹熊仔 「食 」過 五次自助餐... 第一次 在 沙田 帝都香港酒店 dinner buffet ， 媽媽剛坐完月，樹熊仔仲係只食奶的階段，哈哈，所以第一次自助餐係透過媽媽奶享受的。 第二次 應該係7個月時去 旺角 帝京酒店 tea buffet，當時 樹熊仔仲 未開始食 粥仔，仲食緊奶糊，所以唯有眼金金望住我同爸爸食，自己飲 媽媽奶喇！ 曾經有職員經過時建議我地拎粥仔比佢食，但我見佢煮海鮮煮肉同粥等材料都係用同一個煲，為免樹熊仔 海鮮敏感都係不了。 而我同爸爸只好一個快快食野，一個抱佢出去兜圈睇下有咩食同物色一陣食咩啦～ 所以其實最終都唔知自己食左D咩，只係是但搵左D食物填飽自己個肚就算！ 周圍decoration咁靚影下相算～ 第三次 係8 個月樹熊仔識坐識爬同開始加固時， 品嘗完媽媽奶就去 將軍澳香港九龍東皇冠假日酒店 lunch buffet 食香蕉火龍果水果放題！ 佢成日見到大人食野就好似好想食，但佢又唔係試過太多食物，怕佢敏感又唔食得味精，好彩哩度自助餐有原個未切的生果可以比 樹熊仔食咋～ 到 樹熊仔 19 個月已經係第 四次食 buffet 喇！ 今次來到 中環文華東方酒店 lunch buffet，樹熊仔由頭食到尾， 3 歲以下仲係 free of charge ，餐廳簡直係蝕比佢。 因為聽說係semi-buffet，所以準備左即食早知唔帶即食餸，直接全部食酒店的，咁就仲抵喇～ 第五次 都係19個月的 樹熊仔，去 紅磡 香港嘉里酒店 lunch buffet，今次醒目了，只帶了 樹熊水樽，所以全程食酒店食物，仲食得好開心好滋味！ 樹熊仔年紀細細足跡遍佈香港九龍新界喇！ 其實 每一次見到 樹熊仔食野食到好開心個樣，就覺得好開心， 原來 幸福就係咁簡單。

萬萬想不到今胎中左妊娠糖尿病之後， 每星期要早餐前、早，午，晚餐後一共四次量血糖， 仲要寫低果餐食左咩，每次番醫院再比醫生睇。 由於空腹血糖成日超標，醫院安排左我一對一見營養師，睇下有咩方法可以幫到我。 當日先去交$135登記再去醫院營養部，先磅重，再見姑娘，姑娘會了解番平時早午晚餐食咩，份量大約幾多，餐後有冇散步，平時有冇運動，每次幾耐...etc 之後就等叫名見營養師喇！ 自己吉左幾次手指次之後，發現原來食多d蔬菜果餐，餐後血糖會較低。而前一晚出街食的話，第二朝空腹血糖都會較高。 首先營養師會講解一次1800卡孕婦妊娠糖尿餐單，再教我平日飲食可以用咩代替其他食物。 比大家睇下餐單份量，如果跟足其實都好飽肚，唔會肚餓架! 接著，營養師了解我平時晚餐澱粉質（飯）只食半碗後， 話有機會食太少身體會製造更多血糖供應比身體，令我指數高， 所以可以試下以下方法，睇邊款最適合自己： 1. 增加飯量，菜肉同現時一樣 2. 多菜少肉 3. 餸可盡量少salt少油去煮 最後睇埋你有冇咩問題想問，是次約一小時的諮詢服務就完喇～ 講到尾，為左bb，媽媽要好好控制飲食。

話說28w產檢當天，公立醫院即日安排打百日咳。 流程如下: 1. 登記，探熱 2. 驗小便 3. 等叫名 4. 有一堆孕婦同時被叫去同一病房門口，姑娘派左以下百日咳資料，叫即時回覆打定唔打針 5. 如確定打就再等叫名，唔打會叫你番去諗諗，可下次覆，總之最好34week前打，唔會勉強你 6. 打針一剎痺多於痛，事後仲痺左差唔多一個星期 7. 打完再等叫名見醫生或助產士 8. 睇完再約下次產檢日子 9. 可以走喇~ 事後search番，原來公立醫院安排孕婦打百日咳係剛剛生效，唔怪得樹熊仔時冇此安排啦～ 醫院管理局（醫管局）宣布由二○二○年七月二起配合衞生署的百日咳疫苗 接種計劃，為預約於公立醫院生產的孕婦接種百日咳疫苗。 Source:  https://www.ha.org.hk/haho/ho/cc/pertussis_press_release_tc.pdf 什麼是百日咳？ 百日咳是一種由細菌引起的急性呼吸道傳染病，傳播途徑是透過直接接觸病者的飛沫而傳染。患者初期病徵包括流鼻水、打噴嚏、發燒及咳嗽等。之後咳嗽逐漸 嚴重，甚至影響呼吸和進食，病徵可持續數星期。由百日咳引起的併發症包括肺 炎、痙攣及腦細胞死亡。 甲. 為什麼建議孕婦接種含百日咳疫苗？ 根據香港兒童免疫接種計劃，幼兒於兩個月大時才接種第一劑含百日咳的疫苗。 衞生署衞生防護中心轄下的疫苗可預防疾病科學委員會建議孕婦應在 每次 懷孕期 間接種一劑無細胞型百日咳疫苗。 建議可使用的疫苗為「白喉（減量）、破傷風 及無細胞型百日咳（減量）混合疫苗」。接種疫苗後產生 的抗體可在出生前傳送給胎兒，以為出生後未接種疫苗的嬰兒提供直接保護，預 防感染百日咳。 乙. 孕婦應該什麼時候接種百日咳疫苗？ 孕婦應在妊娠期完結前至少 15 天接種疫苗，以容許足夠時間讓孕婦體內產生抗體， 並讓胎兒在生產前能從母親身上得到足夠抗體，以作最佳保護。 醫院管理局的產科門診與衞生署母嬰健康院會於孕婦懷孕 26 至 34 周提供百日咳疫苗接種。

因為近親有糖尿病，被安排w26飲糖水。 因為上胎飲過，今次再飲是以平常心。 點知，萬萬想不到自己中了妊娠糖尿！！！ 星期六飲糖水，通常星期一二就會收到醫院電話， 有電話代表中獎，收唔到電話即係pass左喇～ 而我星期一中午就收到電話，安排我下星期入醫院做一個全日血糖測試。 妊娠糖尿測試（飲糖水）當天流程： 前一晚12點後禁食 第二日早上9時左右到醫院首先空腹抽血 飲一支／一碗糖水，可以一口氣飲完，亦可慢慢品嘗，但一定要十分鐘內飲完，而且飲完如果嘔要同姑娘講安排再飲過 然後唔可以食野，等兩小時（中途可留醫院hea/ sleep，也可離開醫院到附近散步） 兩小時後再抽血 最後會得到一包餅同鈣思寶比你補充番 可以離開去食飯喇！ 因為中左妊娠糖尿，所以今胎多左一個經驗，是塞翁失馬，焉知非福嗎？haha 另外，姑娘話今日留全日食野同飲糖水的要求有少少唔同，之後自己回家吉手指都係跟以下標準，只要keep住每次血糖在range內就係控制得好，不需要注射胰島素。 空腹 Fasting 4-5.5 餐後 Post Prandial 4-7.5 醫院的 妊娠糖尿餐 全日血糖測試當天流程： 前一晚12點後禁食 第二日早上8時半前到醫院 登記入院 空肚吉手指驗血糖 食早餐：粥 抽血驗血check全個月平均血糖level check BB心跳 跟姑娘學吉手指， 早餐後兩小時自己試吉手指驗血糖 派上午茶：餅同奶 聽營養師講食野有咩要注意 食lunch：菜肉飯湯 ，仲有橙 鼓勵你出去行下，順便買血糖機之後到生BB前自己番屋企吉手指 兩小時後吉手指驗血糖 派下午茶： 餅 同奶 比繳費紙你去交一天住院費（因為留全日同有三餐，即使不是瞓病床上過一天，仍然計入了院而要交住院費） dinner前吉手指驗血糖 食dinner：菜肉飯，仲有橙同奶 兩小時後約晚上8時半 吉手指驗血糖 ，之後終於可以回家喇～ 累死寶寶的一天，要快點回家看樹熊仔了！

自然離乳 前兩天，樹熊仔還會淺嚐幾日，由一兩分鐘到幾秒不等，然而，今天，樹熊搖頭走了。 他：唔唔唔（邊說邊搖頭 ） 我：係咪唔飲喇？ 他：唔（點頭，揮手表示bye bye~） 翌日，我沒有提他喝奶睡覺；他也沒有主動要求；乖乖的刷牙了。 如是者，一星期過去了，相信他真的自然離乳了。 我18個月的母乳生活結束了。 早前，我還跟他說樹熊2號出世後，要一起share奶奶的。 前幾天，我還在想樹熊仔是否願意分享奶奶。 如今，19個月的樹熊大個仔了，主動不喝了。 以下是我過去唔同地方泵奶的戰績: 自然離乳 是有種患得患失的感覺 得到的是自由 樹熊獨立了 我可以約朋友出夜街 不用怕樹熊等我（到底是他想念我還是我捨不得他？） 失去的卻是一種只有我和樹熊仔之間親密的連繫 一種無人可取代的連繫 曾經好想寶貝戒奶，出街可省卻等哺乳室的煩惱 如今又有點想念他飲奶的時刻了... what a dilemma!

我公立醫院第一次見醫生安排左在22週，但我識其他同期的媽媽係27至28週的。 其實日子同時間除左睇醫生full唔full之外，仲要睇你早唔早去醫院登記。你愈早登記，往後覆診的日子就愈早架喇， 以下係我當日的流程： 1) 登記 2) 驗尿 3) 磅重 4) 量血壓 等埋一堆準媽媽一齊去 聽姑娘講母乳講座 之後姑娘逐一叫名同你講番你之前的驗血結果 出去等見醫生 一般醫生要十點半巡完房先會出現，所以又係不斷地等～ 終於入房見 醫生喇！ 都係做埋D簡單checking： 1) 量準媽媽心跳同深呼吸 2) 量樹熊2號心跳 3) 摸肚 4) 問你出去照左結構未，做左有冇帶番report番黎，提你下次要拎曬D私家的report比佢地影印留一個copy 5) 寫預產期紙 （比準媽媽比公司拎產假，只會出一次，冇得補領） 6) 寫到診或病假紙 （是但一款） 7) 比傳說中的白卡你keep住 （張卡要隨身攜帶唔好唔見呀！因為只要有一卡在手，之後你有咩事，小至肚痛留啡，大至見紅穿水，都可直上產房，唔需要去急證室再等轉介） 8) 問你有冇其他問題 9) 如果你係低風險，會問你下次想跟助產士定去健康院 10) 出去約下次覆診日期 我下次再黎就六星期後，28w再見～

這酒店，同樹熊仔黎過三次： 第一次 樹熊 仔 還在我肚子裡； 第二 次 樹熊 仔 滿一歲； 第三次 ，即係這次，樹熊 仔 歲半，變成樹熊 2 號在我肚子裡了！ 半年前後，又來到這地方，樹熊仔大個左好多～ 是次目的係去附近麗都灣海灘比樹熊仔玩沙，好想知佢係開心定害怕。 麗都灣海灘 ，是 荃灣 汀九橋 西面第一個泳灘， 如果住 荃灣市區 過黎玩都方便，不過我地就住附近的 帝景酒店 喇，玩完可以即時上房沖暖水涼同休息嘛！ 當天到達時天竟下起大雨，於是先吃午餐再換泳裝出發。幸好下午在沙灘逗留兩個多小時，只是天陰陰，唔曬但又冇落雨，間中有風都幾舒服～ 剛踏上沙灘， 樹熊仔有點抗拒，指著腳仔向我表示不舒服，我叫他繼續向前行，找個沙比較幼細的地方set個tent，吹沙灘波，拎水桶同鏟等沙灘玩水玩具比 樹熊仔warm up一下！ 為食貓 樹熊仔 竟趁我唔留意時手快快畢左兩啖沙入口食，嚇到我即時比水佢沖下個口。之後佢好快進入狀態，在沙灘上跑來跑去玩沙踢波自得其樂。 體驗玩沙成功後，就帶 樹熊仔接觸海水喇～ 拖住佢去海邊踩水， 有時太大浪沖埋黎佢企唔穩，所以之後叫佢坐低等 海水沖上黎，再用水桶裝水玩。 心急的 樹熊仔愈坐愈前，突然一個大浪沖上岸， 樹熊仔濕曬，好似仲飲左啖海水，我及時捉住佢扶佢企起身，佢先冇比浪的衝力撞到瞓低咋！ 接下來的時間，就係同 樹熊仔不斷去踢海水，踢沙， 踢 沙灘波， 裝水同畢沙入水桶，再倒曬D水... 無限loop。玩還玩，當然間中都要比水比 樹熊仔飲，補充一下水份啦，小朋友掛住玩唔知口渴架～ 一直玩到過左平時nap時間兩個鐘， 樹熊仔仲好似唔識眼瞓咁玩得超開心，唯有 匆匆捉佢去沖身處係咁依沖走D沙，執野上酒店房齊齊沖番個暖水涼再比佢瞓一陣，叉一叉電再出荃灣食晚餐lu！ 今次洗費lunch比較貴係因為叫左酒店set lunch而冇出荃灣食，雖然冇左buffet 樹熊仔冇得enjoy free meals，但勝在方便又因疫情而冇人，好似包場食野咁都唔錯呀～ 入住日子： 2020 年 5 月 晚數： 1 Spending: Hotel: ~$370 (仲有得free upgrade去海景家庭房) gogovan:  $245 Lunch x 2 days: ~

樹熊仔是母乳寶寶，到現在歲半仍然飲緊母乳，不過本人 並不是 一位富媽，當身邊朋友一泵爆樽 300ml 時，我是 60ml 的，所以我絕對是窮媽一名。 以下是我一年半以來人奶路上的心路歷程，有點長，有誰共鳴： 樹熊仔出世 頭幾日 ，我作為新手媽媽完全適應唔到，只係覺得好累好眼瞓傷口好痛，身旁樹熊仔又成日中氣十足大喊，我明明聽到醫院同房媽媽對住 BB “shuuu…” 一聲就收聲，最多只會小貓叫幾聲，但樹熊仔經常好似老虎咁大叫，全晚無間斷聽到唔同 BB 喊聲，我真的好崩潰。 加上乳頭開始變得敏感好唔舒服，姑娘又話我開始有奶要繼續密密埋身，我又學不到手擠奶的技巧，覺得好唔就手，我成日都覺得自己冇奶樹熊仔根本咩都啜唔到，所以我每次埋完身都會問姑娘拎水奶比樹熊仔飲。 久而久之，出院後都係埋完身補 illuma ，有時日頭有陪月我就唔埋身泵出黎，不過一直只係 30ml ，然而這時候的樹熊仔已經用樽飲緊 60ml 了。如是者，我依舊日夜埋身，埋完身樹熊仔補奶粉，我就再泵，無限 loop…   為左避免聲音洪亮的樹熊仔嘈醒全屋人，我仲會 alert 到樹熊仔餓醒前自動起身坐 BB 床隔離等佢醒，所以基本上每日總休息時間都唔知有冇六小時，仲要係全日斷斷續續加埋。 頭兩星期 ，忍住姿勢唔啱啜損流血的痛仍然埋身，希望同樹熊仔慢慢互相學習，互相磨合。 然後，竟然出現石頭胸，有硬塊啜極都唔清，更出現了傳說中的小白點。 最後，一邊埋身時另一邊竟然滴奶，泵奶時又見到幼幼的奶柱，可以用到買左好耐的接奶神器了！ 終於， 約 50 日大 的樹熊仔竟然自己戒左夜奶。 而我，依舊 set alarm 半夜起身泵奶。 對，每日半夜三更，對住奶泵，聽住大家鼻鼾聲，是我無限追奶的日子的寫照。 你可以話我固執，但我認為只要勤力，沒有做唔到的可能。 為左令自己做到全人奶，日日飲燉湯黑麥汁鈣思寶，再飲大量水同催奶茶，我仲會半夜起身 power pump ，即係泵 20mins>  休息 10mins>  再泵 10mins>  休息 10mins>  泵多 10mins ，一共 60mins 。每晚起身泵完入樽執好野到上番床，最快都要一個半鐘。 Power pump 左兩個星期左右，我仍然三小時一泵